Нарықтық қатынастардың тереңдеуі мен дамуының қазіргі жағдайы өндірісті ұйымдастыру мен басқарудың теориялық білім алу мен тәжірибелік дағдыларын игеру қажеттілігін туындатады. Экономиканың барлық салаларының кәсіпорындарында жұмыс істейтін инженерлер негізгі өндірісті және өндірістік инфрақұрылымды ұйымдастыру, жоспарлау қағидалары және оның экономикасы бойынша терең теориялық білімі болуы қажет. «Өндіріс экономикасы және ұйымдастыру» мамандар дайындау жүйесінде негізгі пәннің бірі болып табылады. Оның мақсаты – материалдық өндірістің негізгі буыны болып табылатын өнеркәсіптік кәсіпорынның тиімді қызметін қамтамасыз етудегі өндірісті ұйымдастыру жөніндегі өзара байланысты маңызды мәселелер мен факторларды оқып үйрену болып табылады. Оқу үрдісі барысында «Өндіріс экономикасы және ұйымдастыру» оқу құралын пайдалану оны жаңа экономикалық жағдайға (ортаға) бейімдеп, қайта өңдеу қажеттігін көрсетті, яғни жалпыға ортақ бәсеке экономикасына, басқарылатын нысанның бәсекелік қабілеттілігін қамтамасыз етуге бағытталған экономикаға бейімдеу қажет болды. Бұл өңдеудің мәні келесідей.