Виртуалды практикалық жұмыс Қазіргі таңда қазақ тілін оқытуда көптеген оқу құралдары, мультимедиалық бағдарламалар дайындалуда. Осының барлығы қазақ тілін үйрету әдістемесінің толығу, жетілу, даму үдерісін байқатады. Қазақ тілінен практикалық сабақтарға арналған виртуалды жұмыс түрінде бірнеше тапсырмалар қамтылған. Берілген тапсырмалардың әрқайсысы да оқушының немесе студенттің ойлау қабілетін арттырумен қатар, есте сақтау, білім, білік дағдыларын қалыптастырады. Бұл тапсырмалар тіл үйренушілердің ой-өрісін дамытумен қатар қызығушылығын қалыптастыруға үлкен септігін тигізетін болады. Тапсырмаларды орындай отырып сөздік қорды молайтуға, сөздердің дұрыс баламасын табуға, еркін сөлеуге машықтандыруға болады. Сонымен қатар тіл үйренуші мұндағы тапсырмалар арқылы өз бетінше жұмыс жасауға үйренеді. Берілген тапсырмалардың көмегімен білім деңгейін толық бақылап, бағалауға мүмкіндік бар. Мұндағы тапсырмалардың барлығы да тілді еркін меңгерудегі дамыта оқу жүйесін қалыптастыруға мүмкіндік береді. Сондай-ақ оқу материалдарын еске берік сақтау мен сапалы меңгеруді қамтамасыз етеді.