«Мектеп ән репертуары бойынша практикум» - оқу құралы 5В010600 «Музыкалық білім» мамандығының студенттеріне арналған. Автор бұл оқу құралында болашақ музыка мұғалімін даярлаудағы «Мектеп ән репертуары бойынша практикум» пәнінің мақсаты мен мазмұнына, пән бойынша бастауыш және орта сынып оқушыларының жалпы психологиялық және музыкалық қабілеттерінің ерекшеліктерінің сипаттамасына тоқталып, олардың жас ерекшеліктеріне сәйкес мектеп ән репертуарын іріктеудің ғылыми-әдістемелік негіздерін баяндаған. Сонымен қатар, балалар дауыстары, олардың ерекшеліктері, даму кезеңдері, мектеп әндерін жазған композиторлар туралы мәліметтер, мектеп ән репертуарында кездесетін өлшемдердің дирижерлау схемаларын берген.