Оқулықта авторлардың ел экономикасының қазіргі кездегі салалық құрылымы, Қазақстан Республикасының 2015 жылға дейін индустриялық-инновациялық саясаттың басым бағыттары, оның өндіріс факторларының бәсекеге қабілеттілігін арттыруға әсері, ұлттық экономиканы басқару органдарының құрылымы және олардың экономиканы әлеуметтік-экономикалық жаңарту жағдайындағы рөлі, экономиканы мемлекеттік реттеудің тетіктері бойынша жаңа экономикалық ғылыми зерттеулері қарастырылған. Кәсіпорын ел экономикасының негізгі бөлігі екеніне түсінік беріледі және нарық жағдайында кәсіпорынның қызмет етуінің экономикалық тетіктері, кәсіпорын ресурстары және оларды пайдалану тиімділігі, кәсіпорынның инновациялық және инвестициялық іс-әрекеті, кәсіпорын қызметінің қаржылық нәтижелері қарастырылған.