Оқулық мемлекеттік білім беру стандартына және түрлі салалық бакалавриат мамандықтарына арналған кредиттік жүйеге сәйкестендіріліп ҚР БұМ республикалық оқу-әдістемелік кеңесінің химия-технологиялық мамандықтары бойынша оқу-әдістемелік секциясымен баспаға ұсынылған. Оқулық химия-технологиялық, мұнай және техникалық, агроөнеркәсіптік, ақпараттық, педагогикалық және мәдениет мамандықтары бойынша университет, институт және колледж студенттері мен оқытушыларына, жалпы білім беретін мектеп оқушылары мен мұғалімдеріне, өндіріс салаларындағы мамандарға арналған. «Төтенше жағдайлардағы тіршілік қауіпсіздігі» оқулығында төтенше жағдайлардың түрлері мен жіктелуі, тұрғындардың жаппай ауруға ұшырауы, химиялық, радиациялық өрт және жарылыс қауіпті өндірістік объектілердегі, жол көліктеріндегі апаттарда орындалатын іс әрекеттік ұсыныстар туралы мәліметтер мен қысқаша түсініктемелер келтірілген. Сондай-ақ төтенше жағдайларда тұрғындарды қорғау мәселелері, өнеркәсіптік объектілердің тұрақты жұмыс істеуі мен нақты жағдайларды бағалау қарастырылған.