Ұйымдастыру тәртібі ұйымдағы қызметкерлердің іс әрекеттері мен өзара қарым қатынастарын айқындайды. Кез келген ұйымдағы адамдардың тәртібі әрқашан рационалды болуы мүмкін емес. Соған орай, ұйымдағы қызметкерлерді тиімді басқару өзекті мәселе болып қалады. Ұйымдастыру тәртібі пәні психология, социология, саясаттану, экономика, экономикалық теория және басқа да әлеуметтік бағыттағы ғылыми пәндермен тығыз байланысты. Ұйымдастыру тәртібі пәнінде жоғарыда аталған ғылыми бағыттардың зерттеу әдістері мен нұсқалары пайдаланылады. Ұйымдастыру тәртібі пәнінде қызметкерлерді басқарудың теориялары мен үлгілері ғана қарастырылмайды, сонымен қатар, ол ұйымдағы нақты жағдайды айқындап беретін әртүрлі факторларды да анықтайды. Ұйымның қызметінің тиімділігін қамтамасыз ететін менеджерлерді дайындауда бұл пәнді оқыту маңызды орын алады. Ұйымдастыру тәртібі пәнінде келесі жағдайлар мен міндеттер қарастырылады: - ұйымдағы қалыптасқан жағдайды дұрыс қабылдау мен біліктілікті арттыру; - жеке, топтық ұйымдастырушылық оқыту жүйесі мен ұйымдағы жеке қарым‑қатынастардың дамуы; - жеке тұлғаның ерекшеліктері, карьералық дамуы мен ұйымдағы тәртіптің қалыптасуы; - ұйымдағы қызметкерлерді ынталандыру жүйесі мен олардың ұйымдастыру тәртібіне ықпалы; - құрылған команданы тиімді басқару; - шешім қабылдау тиімділігін қамтамасыз ету; - тиімді коммуникация мен байланыстарды ұйымдастыру; - қызметкерлерді тиімді басқару жүйесін құру; - ұйымдағы ресурстарды рационалды пайдалану; - келіссөздер жүргізуді ұйымдастыруды жетілдіру; - дау жанжалдарды шешу жолдары; - ұйымның жұмысын жобалау мен жоспарлауды ұйымдастыру; - менеджерлердің қызметін жетілдіру.