5В060700-«Биология», 5В011300-«Биология» мамандықтарының студенттеріне арналған. Бұл зертханалық практикум «Өсімдіктер физиологиясы» пәнінің бағдарламасы мен оқу жоспары талаптарына сәйкес және зертханалық жұмыстарды орындауға қажетті барлық мәліметтер негізінде құрастырылған. Өсімдіктер физиологиясы - өсімдік ағзасының тіршілік процестері мен қызметтерін зерттейтін ғылым. «Физиология» сөзін грек тілінен аударғанда «physis» - табиғат және «logos» - ұғым, ғылым деген мағынаны береді. Өсімдіктер физиологиясы эксперименталдық ботаниканың құрамдас бөлігі ретінде дами келе, 19 ғасырда жеке ғылым ретінде бөлініп шықты.