Шетелдік серіктестер
М. Әуезов атындағы Оңтүстік Қазақстан университеті халықаралық академиялық және ғылыми-зерттеу ынтымақтастығын нығайту стратегиясын жүйелі түрде іске асырып келеді. Қазіргі уақытта университет 260-тан астам жетекші шетелдік жоғары оқу орындарымен, ғылыми орталықтарымен және салалық ұйымдарымен серіктестік қатынастар орнатқан. Ынтымақтастық географиясы жақын және алыс шетел елдерін қамтып, Еуропа, АҚШ, Азия, Таяу Шығыс және басқа да өңірлерді қамтиды.
Серіктестік келісімдер студенттердің, магистранттардың, докторанттардың және профессор-оқытушылар құрамының академиялық ұтқырлығын белсенді дамытуға, сондай-ақ қос дипломды бағдарламаларға, ғылыми тағылымдамаларға және біліктілікті арттыру жобаларына қатысуға мүмкіндік береді. Университет заманауи білім беру технологиялары саласындағы тәжірибе алмасуға, бірлескен ғылыми зерттеулер мен инновациялық жобаларды жүзеге асыруға ерекше мән береді.
М. Әуезов атындағы ОҚУ-дың халықаралық желілер мен консорциумдарға қатысуы оны жаһандық білім беру және ғылыми кеңістікке интеграциялауға ықпал етеді, университеттің бәсекеге қабілеттілігін арттырып, өңірдегі жетекші жоғары оқу орындарының бірі ретінде позициясын нығайтады. Халықаралық ынтымақтастықты кеңейту — кадрларды даярлаудың жоғары сапасын қамтамасыз етуге және университеттің ғылыми- білім беру әлеуетін халықаралық деңгейде жүзеге асыруға жағдай жасайтын дамудың негізгі бағыттарының бірі.
