Ai Sana
Auezov University
AI-SANA — жасанды интеллект технологияларын қолдана отырып, білім беру, ғылыми зерттеу және стартап-кәсіпкерлікті біріктіретін кешенді бағдарлама
AI-Sana жобасын іске асыру аясында Әуезов университеті білім беру үдерісінде жасанды интеллект технологияларын тиімді қолдану мәселелері бойынша 8572 білім алушыны оқытып, сертификаттады.
AI-SANA ИННОВАЦИЯЛЫҚ БАҒДАРЛАМАСЫ
2024 жылғы 11 желтоқсанда Astana Hub-да Alem.AI Жасанды интеллект орталығының тұжырымдамасын таныстыру қорытындысы бойынша Қазақстан Республикасының Президенті AI-Sana бағдарламасын кезең-кезеңімен іске асыру мәселесін пысықтауды тапсырды.
«AI-SANA» БАҒДАРЛАМАСЫНЫҢ МАҚСАТЫ
«AI-Sana» бағдарламасының мақсаты – ауыл шаруашылығы, су шаруашылығы, энергетика және басқа да салалар бойынша бейінді мамандықтарда білім алатын студенттерге жасанды интеллект және AI-кәсіпкерлік саласындағы қосымша құзыреттерді меңгеруге мүмкіндік беру, аталған салалар бойынша білімдерін кезең-кезеңімен тереңдету. Бұл тәсіл болашақ мамандарға өз кәсіби саласын терең меңгеріп қана қоймай, сондай-ақ жұмыс үдерістерін оңтайландыру және салалық өзекті мәселелерді шешу үшін ЖИ технологияларын белсенді қолдануға мүмкіндік береді.
Бағдарлама түлектері салалық мәселелерді инновациялық жолмен шешуге арналған өз стартаптарын құра алады немесе алған білімдерін жұмыс орындарында тиімді қолдана алады, бұл өз салаларында инновациялардың таралуына және технологиялық дамуына ықпал етеді.
Осылайша «AI-Sana» бағдарламасы ұлттық экономика салаларында ЖИ әлеуетін ашуға және технологиялық кәсіпкерлікті қолдауға баса назар аудара отырып, технологиялық және экономикалық дамудың катализаторы ретінде әрекет етеді. Қазақстанның технологиялық және экономикалық өсуінің драйвері бола алатын Deep Tech-стартаптарын құруға ерекше назар аударылды.
AI-Sana білім беру, зерттеу және қолданбалы тәсілдерді біріктіруді қамтиды, жоғары оқу орындарына дәстүрлі білім беруден ғылыми-зерттеу форматына көшуге мүмкіндік береді.
«AI-Sana» бағдарламасы кезең-кезеңімен іске асырылады, әрбір кезең студенттердің құзыреттерін жасанды интеллект бойынша базалық білімнен бастап, стартаптарды кәсіби деңгейде дамытуға және оларды нарыққа шығарып, ауқымын кеңейтуге дейін жүйелі түрде дамытуға бағытталған.
ДАЙЫНДЫҚ 3 КЕЗЕҢДІ ҚАМТИДЫ
Дайындық кезеңі жасанды интеллект бойынша курстарды қамтиды.
Дайындық кезеңі (650 мың студент) – Coursera, Huawei платформаларында, сондай-ақ Astana Hub алаңында ЖИ бойынша курстар. Бұл кезең жоғары білімнің барлық деңгейіндегі студенттерге (бакалаврлар, магистранттар, докторанттар) арналған және ЖИ саласындағы негізгі трендтер, технологияның базалық қағидалары мен оны әртүрлі салаларда практикалық қолдану мүмкіндіктері туралы дәрістерді қамтиды.
1-кезең (100 мың студент) – ЖИ негізінде кәсіпкерлік дағдыларды, бағдарламалаудың базалық дағдыларын, машиналық оқытуды үйрету.
2-кезең (60 мың студент) – студенттердің жобаларын құрылымдау, ауқымын кеңейту стратегиясын әзірлеу және нарықтық қажеттіліктер мен тенденцияларға бағдарлау.
3-кезең (1,5 мың MVP стартаптар) – стартаптардың прe-акселерациясы, акселерациясы және пост-акселерациясы.
Дайындық кезеңі жоғары оқу орындарындағы барлық білім деңгейін (бакалаврлар, магистранттар, докторанттар) қамтитын бастапқы білім беру блогын білдіреді. Ол ЖИ саласындағы негізгі трендтерге, базалық білімдерге және ЖИ технологияларын әртүрлі салаларда қолдануға арналған дәрістерді қамтиды.
Дайындық кезеңінен кейін халықаралық сарапшылар тобы үш кезеңнен тұратын ЖИ және кәсіпкерлік саласындағы мамандандырылған әдістемелік бағдарламаны ұсынады.
1-кезеңде қатысушылар ЖИ саласында кәсіпкерлік дағдылар, машиналық оқыту және бағдарламалау бойынша оқытудан өтеді. Бағдарламалар жобаларды әзірлеу және жасанды интеллектіні қолдануға негізделген нақты салалық мәселелерді шешу барысында практикалық дағдыларды игеруге бағытталған.
Бағдарламаның 2-кезеңінде студенттік жобаларды құрылымдауға, олардың ауқымын кеңейту стратегиясын әзірлеуге және нарықтық қажеттіліктерге бағдарлауға басты назар аударылады. Бұл кезеңде студенттер өз жобаларын тәжірибелі менторлар мен сарапшылардың жетекшілігімен пысықтай алады, сондай-ақ өз бастамаларын табысты іске қосу мен дамыту үшін практикалық құралдар алады.
3-кезеңде қатысушылар пре-акселерациядан өтеді, мұнда перспективті идеялар іріктеліп, жетілдіріледі, MVP құрылып, бизнес-модельдер қалыптастырылады. Кейін акселерация кезеңінде жобалар тәлімгерлер, сарапшылар және мамандандырылған инфрақұрылымның қолдауымен пысықталып, ауқымын кеңейтеді.
Пост-акселерация кезеңінде стартаптарға ауқымын кеңейтуді қоса алғанда, нарыққа шығу, инвестиция тарту және халықаралық платформаларда позицияларын нығайту үшін қолдау көрсетіледі.
Министрлік Ғылым қоры және халықаралық сарапшылармен бірлесіп, ағымдағы жылға басым салалар ретінде энергетика және тұрақты даму, агроөнеркәсіптік кешен, білім беру және таланттарды дамыту салаларын таңдады. Бұл бағыттар халықаралық венчурлық инвесторлар үшін маңызды болып отыр, оларға жаһандық нарық тарапынан айтарлықтай назар аударылып, инвестициялар тартылуда.
Ағымдағы жылдың ақпан айында инновациялық бағдарламаның дайындық кезеңі басталды. Бұл кезең ЖИ саласындағы базалық білімді алу үшін еліміз бойынша 650 мың студентті қамтиды.
Huawei компаниясы бағдарлама аясында жасанды интеллектінің базалық дағдыларына арналған 2 курсты қазақ тіліне аударып, локализациялады. 81180 студент оқуды бастады, олардың 57966-сы сертификатталды. Оқу АКТ саласындағы соңғы технологияларды жан-жақты оқыту үшін еліміздегі жоғары оқу орындарында ашылған 43 АКТ-академиясының базасында өтуде. Курстардан өту бойынша ең үздік көрсеткіштерді келесі жоғары оқу орындары көрсетті: М.Әуезов атындағы Оңтүстік Қазақстан университеті – 8572 студент; Е.А Бөкетов атындағы Қарағанды университеті – 8240 студент және Д.Серікбаев атындағы Шығыс Қазақстан техникалық университеті – 3802 студент.
Astana Hub-пен бірлесіп «ЖИ негіздері: ChatGPT» курсы іске қосылды, а.ж. ақпан айынан бастап 3100 студент тіркеліп, оқып жатыр, оқыту мен студенттерді тіркеу жалғасуда.
Бүгінгі таңда «Coursera» білім беру платформасында платформада ұсынылған барлық курс, сондай-ақ ЖИ-мен байланысты барлық курс қолжетімді. Сарапшылар ЖИ бойынша 2 курсты таңдады, олар «Барлығына арналған генеративті ЖИ» және «ChatGPT үшін Promt инженериясы». Coursera компаниясы бағдарлама аясында еліміздің 95 жоғары оқу орнына 36 890 лицензия бөлді.
Бүгінгі таңда «Coursera» білім беру платформасында платформада ұсынылған барлық курс, сондай-ақ ЖИ-мен байланысты барлық курс қолжетімді. Сарапшылар ЖИ бойынша 2 курсты таңдады, олар «Барлығына арналған генеративті ЖИ» және «ChatGPT үшін Promt инженериясы». Coursera компаниясы бағдарлама аясында еліміздің 95 жоғары оқу орнына 36 890 лицензия бөлді.
Сонымен қатар жоғары оқу орындары студенттерді белгіленген үлгідегі электрондық сертификат бере отырып, өз бетінше әзірленген курстар бойынша оқыта алады.
Министрлік жасанды интеллект бойынша пәндерді барлық бағыт бойынша білім беру бағдарламаларына міндетті түрде енгізуді көздейтін жоғары және жоғары оқу орнынан кейінгі білім берудің мемлекеттік жалпыға міндетті стандартына өзгерістер енгізді. Қазіргі уақытта еліміздің 95 жоғары оқу орны білім беру бағдарламаларына жасанды интеллект пәндерін енгізді.
Ғылым қорымен және халықаралық сарапшылармен бірлесіп еліміздің әр өңірінде 27 «зәкірлі» жоғары оқу орны іріктеліп, бекітілді. Жоғары оқу орындары бағдарламаны іске асыру үшін қажетті инфрақұрылыммен байланысты критерийлер бойынша іріктелді, оның ішінде жоғары оқу орындарында ЖИ саласындағы білім беру бағдарламаларының, шетелдік әріптестердің, есептеу қуаттарының болуы және т.б. Бұл жоғары оқу орындары өз өңірінде және көршілес облыстарда жобаны іске асыруға жауапты, студенттер мен профессор-оқытушылар құрамын AI-Sana бағдарламасы бойынша оқытуды қамтамасыз етеді.
Осылайша AI-Sana бағдарламасы елімізде жасанды интеллектті дамыту үшін қолайлы экожүйені құруға бағытталған. Бағдарлама оқытуды, ғылыми жобаларды, стартап-акселерацияны және халықаралық ынтымақтастықты қамтиды. Бұл бастама арқылы болашақ мамандар мен ғалымдар өзгермелі әлемге бейімделіп, ЖИ-мен жұмыс істеу үшін қажетті білім мен дағдыларды меңгереді, сондай-ақ озық технологияларды жасау үшін сыни ойлауды дамытады.
Бағдарламаның негізгі мақсаты – жоғары оқу орындарын білім беруден ғылыми-қолданбалы әдіске көшіре отырып, студенттер мен оқытушылардың ойлау тәсілін терең трансформациялау.
Министрлік жасанды интеллект бойынша пәндерді барлық бағыт бойынша білім беру бағдарламаларына міндетті түрде енгізуді көздейтін жоғары және жоғары оқу орнынан кейінгі білім берудің мемлекеттік жалпыға міндетті стандартына өзгерістер енгізді. Қазіргі уақытта еліміздің 95 жоғары оқу орны білім беру бағдарламаларына жасанды интеллект пәндерін енгізді.
Ғылым қорымен және халықаралық сарапшылармен бірлесіп еліміздің әр өңірінде 27 «зәкірлі» жоғары оқу орны іріктеліп, бекітілді. Жоғары оқу орындары бағдарламаны іске асыру үшін қажетті инфрақұрылыммен байланысты критерийлер бойынша іріктелді, оның ішінде жоғары оқу орындарында ЖИ саласындағы білім беру бағдарламаларының, шетелдік әріптестердің, есептеу қуаттарының болуы және т.б. Бұл жоғары оқу орындары өз өңірінде және көршілес облыстарда жобаны іске асыруға жауапты, студенттер мен профессор-оқытушылар құрамын AI-Sana бағдарламасы бойынша оқытуды қамтамасыз етеді.
Осылайша AI-Sana бағдарламасы елімізде жасанды интеллектті дамыту үшін қолайлы экожүйені құруға бағытталған. Бағдарлама оқытуды, ғылыми жобаларды, стартап-акселерацияны және халықаралық ынтымақтастықты қамтиды. Бұл бастама арқылы болашақ мамандар мен ғалымдар өзгермелі әлемге бейімделіп, ЖИ-мен жұмыс істеу үшін қажетті білім мен дағдыларды меңгереді, сондай-ақ озық технологияларды жасау үшін сыни ойлауды дамытады.
Бағдарламаның негізгі мақсаты – жоғары оқу орындарын білім беруден ғылыми-қолданбалы әдіске көшіре отырып, студенттер мен оқытушылардың ойлау тәсілін терең трансформациялау.
БАЙЛАНЫС
160012, Шымкент қаласы, Тәуке хан даңғылы, 5
Канцелярия
(8-725-2) 21-01-41
canselyarya@mail.ru
info@auezov.edu.kz
160012, Шымкент қаласы, Тәуке хан даңғылы, 5
Канцелярия
(8-725-2) 21-01-41
canselyarya@mail.ru
info@auezov.edu.kz
