Q1–Q2 журналдарында жарияланым дайындау бойынша семинарлар циклі жалғасуда

: 14 Қазан 2026; Қаралды: 142

Мұхтар Әуезов атындағы Оңтүстік Қазақстан зерттеу университетінде Жарияланымдық белсенділік департаменті ұйымдастырған жоғары рейтингті Q1–Q2 журналдарына ғылыми мақала дайындау және жариялау бойынша семинарлар циклінің кезекті кездесуі өтті.
Семинар спикері — Universiti Putra Malaysia (Малайзия) өкілі Норайни Бинти Абдул Рахман (Nor’aini Binti Abdul Rahman).
Семинарлар циклі академиялық жазу дағдыларын жетілдіруге, ғылыми қолжазбалардың сапасын арттыруға және зерттеушілерді халықаралық ғылыми басылымдарда зерттеу нәтижелерін жариялауға дайындауға бағытталған.
Шетелдік мамандардың қатысуы университет оқытушылары мен зерттеушілеріне ғылыми жарияланымдарды дайындаудың халықаралық тәжірибесімен танысуға мүмкіндік береді.