М.ӘУЕЗОВ АТЫНДАҒЫ ОҢТҮСТІК ҚАЗАҚСТАН ЗЕРТТЕУ УНИВЕРСИТЕТІНІҢ ТҮЛЕКТЕРІНЕ ДИПЛОМ МЕН «ЛЕЙТЕНАНТ» ӘСКЕРИ АТАҒЫН БЕРУ РӘСІМІ

Бүгін Қазақстан Республикасы Қорғаныс министрінің 2025 жылғы 9 шілдедегі №176-ОҚ бұйрығы негізінде, әскери кафедрада запастағы офицерлер бағдарламасы бойынша әскери дайындықтың толық курсын аяқтаған М.Әуезов атындағы Оңтүстік Қазақстан зерттеу университетінің 176 түлегіне жоғары және жоғары оқу орнынан кейінгі білім беру ұйымын бітіргені туралы дипломмен бірге алғашқы «лейтенант» әскери атағын салтанатты түрде табыстауға арналған рәсім өткізілді.

Іс-шарада университеттің академиялық мәселелер жөніндегі проректоры Ернар Иманғалиев, қоғаммен байланыс және мәдениет жөніндегі проректоры Садыбек Бейсенбаев, әлеуметтік және тәрбие жұмысы жөніндегі проректоры Ғани Бесбаев, әскери кафедра бастығы, полковник Жақып Кенжебаев түлектерге сәттілік тілеп, құттықтау тілектерін білдірді. Түлектерге дипломдары мен алғашқы «лейтенант» әскери атағының погонын табыстады.