6B07130 Көлік, көліктік техника және технологиялар

1.БББ атауы

6В07130-Көлік, көліктік техника және технология

2.Білім беру саласының коды мен жіктелуі

6В07 – Инженерлік, өңдеу және құрылыс салалары

3.Даярлау бағыттарының коды мен жіктелуі

6В071 – Инженерия және инженерлік іс

4.Білім беру бағдарламаларының (БББ) тобы

В065– Автокөлік құралдары

5.Оқыту тілі

қазақ, орыс, ағылшын

6.БББ көлемі

240 кредит

7.Білім беру бағдарламасының айрықша ерекшеліктері

-

8.Серіктес-ЖОО (ҚББ)

-

9.БББ мақсаты

Автомобильдерді пайдаланумен, жөндеумен және қызмет көрсетумен байланысты кәсіпорындарда өндірістік-технологиялық, ұйымдастыру-басқару, эксперименттік-зерттеу және жобалау-технологиялық қызметті жүзеге асыруға қабілетті, еңбек нарығының талаптарына және кәсіби стандарттарға сәйкес келетін автокөлік кешені үшін кең профильді ма­мандарды даярлау.

10.Берілетін дәреженің аталуы

Осы БББ сәтті аяқтағаннан кейін бітірушіге «6B07130 - Көлік, көліктік техника және технологиялар» білім беру бағдарламасы бойынша техника және технология бакалавры дәрежесі беріледі.

11.Кәсіби қызмет саласы

- ішкі техникалық бақылау және автокөлік құралдарын техникалық пайдалану жөніндегі қызмет нәтижелерін ұйымдастыруға және бақылауға байланысты көлік қызметтері;

- көлік құралдарының қауіпсіздігін арттыруға бағытталған зерттеу қызметі

12.Оқыту нәтижелері

ОН1 Академиялық жазу және академиялық адалдық мәдениеті қағидаттарын ескере отырып, кәсіби ортада және қоғамда қазақ, орыс және ағылшын тілдерінде логикалық сауатты қарым-қатынас жасау.

ОН2 Кәсіби қызметте жаратылыстану, математикалық, қоғамдық, әлеуметтік-экономикалық және инженерлік білімді, деректерді математикалық өңдеу әдістерін, ғылыми және эксперименттік зерттеулерді қолдану.

ОН3 Ақпараттық-коммуникациялық технологияларды қолдана отырып және ақпараттық қауіпсіздіктің негізгі талаптарын ескере отырып, ақпараттық және библиографиялық мәдениет негізінде кәсіби қызметтің стандартты міндеттерін шешу.

ОН4 Еңбекті қорғау және қауіпсіздік техникасы, технологиялық процестерді жетілдіру, табиғи ресурстарды ұтымды пайдалану және экологиялық қауіпсіздікті қамтамасыз ету жөніндегі іс-шараларды әзірлеу.

ОН5 Сыртқы факторлардың әсері мен  қауіпсіз және тиімді пайдалану талаптарын ескере отырып, әртүрлі мақсаттағы автокөлік техникасы мен технологиялық жабдықтарға арналған пайдалану материалдарын ұтымды таңдау.

ОН6 Енгізілетін технологиялық жабдықты қабылдауды және игеруді, техниканың техникалық байқауын және ағымдағы жөндеуін ұйымдастыру, жабдықтар мен қосалқы бөлшектерге өтінім жасау, жабдықты пайдалану және жөндеу бойынша техникалық құжаттама мен нұсқаулықтарды дайындау.

ОН7 Автомобильдер мен жабдықтардың жұмыс қабілеттілігін қолдау және қалпына келтірудің ұтымды әдістерін анықтау; автокөлік техникасына техникалық қызмет көрсету мен ағымдағы жөндеудің заманауи технологияларын пайдалану.

ОН8 Автокөлік техникасын, тораптарды, агрегаттар мен технологиялық жабдықтарды қауіпсіз және тиімді пайдалануды қамтамасыз ету бойынша ұйымдастыру-басқарушылық шешімдерін қабылдауға құзыретті.

ОН9 Зерттеу және кәсіпкерлік дағдыларды шебер қолдана отырып, автокөлік кешенінің жұмыс істеп тұрған кәсіпорындары үшін қайта құру, техникалық қайта жарақтандыру және кеңейту жобаларын және жаңа автокөлік кәсіпорындары (АК) үшін технологиялық жобаларды әзірлеу.

ОН10 Көлік құралдары сервисі кәсіпорындары қызметінің қаржылық тұрақтылығы мен стратегиялық тиімділігіне қол жеткізу үшін цифрландыру мен геймификацияны пайдалана отырып, кәсіби міндеттерді шешу.

ОН11 Жеке және топ мүшесі ретінде тиімді жұмыс істеу, әлеуметтік, этникалық, конфессиялық және мәдени айырмашылықтарды толеранттылықпен қабылдау арқылы әрекеттеріңізді түзету.