Жаңалықтар
УНИВЕРСИТЕТІМІЗДЕ «СӘУІР – ҒЫЛЫМ АЙЫ» ІС-ШАРАСЫ БАСТАЛДЫ
- Қаралды: 24
Ғылым мықты болса, мемлекет қуатты. Қазақстанда соңғы жылдары ғылымға айрықша көңіл бөлінуде. Ғылымға бөлінген қаржы көлемі артты, озық ғылыми зерттеу инфрақұрылымы жасақталуда, ғалымдардың жалақысы өсті, жас ғалымдар мемлекеттік бағдарламамен баспаналы болуда және олардың әлемдік жетекші ЖОО-ы мен ғылыми орталықтарында тәжірибе алмасуына мүмкіндіктер көбейді. Бүгін М.Әуезов атындағы ОҚЗУ-де Қазақстан ғылым қызметкерлері күніне арналған «Сәуір – ғылым айы» іс-шарасында ғалымдар осы бағыттағы жаңашылдықтар және жетістіктерімен бөлісті.
Іс-шараның ашылу салтанатында университеттің Басқарма төрағасы-ректор Дархан Ахмед-Заки барша қатысушыларды ғылым айымен құттықтады. Жаратылыстану-техникалық ғылыми зерттеу институтының директоры Жамбыл Айменов отандық ғалымдардың алдында қойылған жаңа міндеттерге тоқталса, Ғылыми жұмыс және инновациялар жөніндегі проректор Ұлан Сүлейменов университеттің ғылыми әлеуеті мен атқарылып жатқан инновациялық жобалар туралы айтты.
Іс-шара аясында «Open Spaсe» ғылыми жетістіктер көрмесі ұйымдастырылды. Көрмеде Дархан Жұмақанұлы ғалымдардың ғылыми жобаларымен жіті танысты.
Атап өтейік, ғылым айында халықаралық-ғылыми тәжіреибелік конференциялар, семинарлар, студенттік форум, мектеп оқушыларының ғылыми жетістіктерінің көрмесі, Ұлы Абайдың 180 жылдығына арналған «Әуезов оқулары» және т.б. іс-шаралар өтеді.