ҒЫЛЫМИ КЕҢЕС МӘЖІЛІСІНДЕ ФИЛОСОФИЯ ДОКТОРЫ (PHD) ДИПЛОМДАРЫ ТАБЫСТАЛДЫ

«М.Әуезов атындағы Оңтүстік Қазақстан университеті» КеАҚ-да Ғылыми кеңестің кезекті отырысы өтті. Университеттің Басқарма төрағасы-ректоры Дархан Жұмақанұлы Ахмед-Заки қалыптасқан дәстүрге сай, алдымен  ғылым мен жоғары білім беру саласындағы жетістіктерге қол жеткізген бірқатар жас ғалымдар мен оқытушы-профессорлар құрамын құттықтады.

Университеттің бірқатар докторанттарына  ҚР Ғылым және жоғары білім министрлігі Ғылым және жоғары білім саласында сапаны қамтамасыз ету комитеті төрағасының бұйрығымен философия докторы (PhD) дәрежесі берілген болатын. Атап айтқанда, Серкебаева Гаухар Искакбековнаға, Базарбеков Бақберді Мураталиевичке, Амирова Гаухар Оразбаевнаға, Айткулова Гулмира Арипкановнаға 8D02310- «Филология», Тілеуберді Аяулым Нұрланқызына 8D05210- «Экология» білім беру бағдарламалары бойынша философия докторы дәрежесі берілді. Осыған байланысты жас ғалымдарға философия докторының (PhD)  дипломдары салтанатты түрде табысталды. «Өнер» кафедрасының аға оқытушысы, Қазақстан Республикасының еңбек сіңірген әртісі Бимурзаев Есілбек Төребайұлына «Театр өнеріне сіңірген еңбегі үшін» медалі табысталды.

 Сонымен қатар Ғылыми кеңесте күн тәртібіндегі негізгі мәселелер бойынша баяндамалар тыңдалды. Университеттің 2024 жылғы ғылыми қызметі мен 2025 жылға арналған міндеттері туралы Ғылыми жұмыс және инновациялар жөніндегі проректор Сулейменов У.С., 2024 жылы университеттің материалдық-техникалық қамтамасыз етілуін жақсарту бойынша атқарылған жұмыстар және 2025 жылға арналған жоспарлар туралы Әкімшілік-шаруашылық қызмет департаментінің директоры м.у.а. Тынысбаев Т.Б., «Тарих және педагогика» факультетінің  білім беру бағдарламаларын іске асыру сапасы туралы   комиссия   төрағасы   Турекулова Ж.Е. баяндады.


Егер Сіз қатені байқасаңыз, мәтін бөлігін таңдап, Ctrl+Enter пернелерін басыңыз
БАЙЛАНЫС

160012, Шымкент қаласы, Тәуке хан даңғылы, 5


Канцелярия

(8-725-2) 21-01-41


canselyarya@mail.ru

info@auezov.edu.kz

Please publish modules in offcanvas position.