Жаңалықтар

«Өмір бойы білім алу» ұғымы ойға қонымсыз сөз емес. Цифрлық технология мен ақпарат дамыған заманда үздіксіз білім алу – заман талабы.  Үздіксіз білім алу – жаңа мүмкіндіктердің, өзін-өзі дамытудың және қоғам өміріне белсенді араласудың бір белесі әрі көкжиегі. М.Әуезов атындағы ОҚУ «Қосымша білім беру орталығы» осы бағыттарда жұмыс істейді. Орталықта атқарылып ижатқан жұмыстар жайында бас маманы Г.С Мырзатаева  толық мәлемет береді. 

–Қоғам мен қоршаған ортаның мүмкіндіктеріне қарай өмір сүруге дағдылану – бұл уақыт талабы. Ақпараттых технологиялардың күннен-күнге дамып отырған заманында қоғамның сұранысына сай өмір сүру, өз ісінің кәсіби маманы болу  әрбір адамның басты мақсаты. Қазіргі таңда үздіксіз білім беру жүйесінің бірнеше қағидалары бар. Олардың ішінде барлық категориядағы ел азаматтарына олардың жасына, қарамастан білім алудың барынша қолжетімді болуы, әр түрлі деңгейдегі білім беру салаларының бір-бірімен жалғасқан түрде әзірленуі, азаматтардың қажеттіліктеріне сай қашықтықтан білім алу, онлайн дәрістер т.б. қамтамасыз ету, білім беру мекемелеріндегі оқу бағдарламаларының заманауи еңбек нарығының сұранысына, әлемдік стандарттарға сай келуі сияқты басымдықтар бар. Үздіксіз білім беру соңғы жылдары отандық педагогиканың негізгі бағытына айналды. Мұның негізгі кезеңі балабақшадан басталып, одан кейін орта мектепте, мектептен кейін колледж немесе жоғары оқу орнында жалғасады. Жоғары оқу орнынан кейін магистратура және одан кейін докторантура, ал оны бітіргеннен кейін түрлі салаларда қалыптасқан біліктілікті арттыру курстары немесе қайта даярлау дәрістері болып жалғаса береді.

          Осы қағидаларды басшылыққа алған Қосымша білім беру орталығы да өз жұмысын сапалы ұйымдастырып келеді. Профессор-оқытушылар құрамына арналған біліктілікті арттыру курстары,  «Күміс университет» жобасы, Педагогтік қайта даярлау курстары, барлық категориядағы ел азаматтарына арлған ақылы негіздегі курстарды ұйымдастыру бойынша жұмыстар сапалы атқарылуда.

          Биылғы оқу жылында «Педагогтік қайта даярлау» курстары бойынша жұмыстар екі кезеңде ұйымдастырылды. Бірінші кезеңде 8 траектория бойынша  39 тыңдаушы бітіріп шықты, екінші кезеңде 7 траектория бойынша19 тыңдаушы оқып жатыр.

 Университетте  білім берудің түрлі формаларын қамтитын және профессор-оқытушылар құрамының кәсіби біліктілігін арттыруға бағытталған біліктілікті арттыру курстары тұрақты ұйымдастырылып келеді. Қазіргі кезде әзірленген қосымша білім беру бағдарламаларынан  «Заманауи оқыту технологиялары» курсының бағдарламасы жоғары сұранысқа ие болып отыр. Бұл курс ЖОО оқытушысына қажетті барлық ақпаратты беруге және қажетті құзыреттіліктерді қалыптастыруға бағытталған.

Биылғы оқу жылында аталған курстың бірінші кезеңінде курстың 70 тыңдаушысы жоспарлы біліктілігін арттырды.

Ағылшын тілінде сабақ беретін профессор-оқытушылар құрамының  біліктілігін  және кәсіби құзіреттілігін арттыруды үздіксіз қолдау мақсатында дәстүрлі  «Пән мен тілді кіріктіру (CLIL) әдістемесін оқыту» тақырыбындағы біліктілікті арттыру курсы ұйымдастырылған. Курс бойынша 16 тыңдаушы: үштілді оқу бағдарламасындағы CLIL әдісі; кіріктірілген білім бағдарламасы – нәтижеге бағытталған оқу жүйесі; ағылшын тілі және бейіндік пәндерді кіріктіріп оқытудың ұстанымдары және тәсілдері және т.б. модульдер бойынша білімін арттырады.

Профессор-оқытушыла құрамының цифрлық сауаттылық бойынша кәсіби құзіреттілігін арттырып және  болашақ мамандар даярлау сапасын жақсарту мақсатында Қосымша білім беру орталығы «Цифрлық сауаттылық және онлайн оқытудың әдістемесі» тақырыбындағы  біліктілікті арттыру курсы  барысында оқытушылар құрамы: ИСВУЗ жүйесіне кіру және басқа да баптаулар; бекітілген пәндер бойынша ГВСЗ жасау; рейтинг/ пропуск қою; емтихан сұрақтары бойынша валидация жасау; смарт жүйесінің негізгі баптаулары және т.б. тақырыптар бойынша біліктілігін арттырады. Ағымдағы оқу жылында осы курс бойынша 130 оқытушы біліктілігін арттырды.

          Сонымен қатар, университет базасында ұйымдастырылған «ЖОО инклюзивті білім беру және оқыту» курсы бойынша өткен оқу жылында  242 оқытушы біліктілігін арттырды, ал есепті кезеңге 159 оқытушы осы курстар өтті.

          Университетіміз өзінің үшінші миссиясы аясында  2021 жылдан бастап аға буын өкілдерінің шығармашылық және кәсіби дамуына жағдай жасауға және оларды белсенді еңбек қызметіне араласуын қамтамасыз етуге  бағытталған «Салиқалы университет» жобасын жүзеге асыруды бастады. Осы жылдар аралығында «Салиқалы университет» жобасы аясында 46  зейнеткер «Цифрлық куратор», «Бағбан» курстары бойынша өз білімдерін жетілдірді. «Бағбан» курсы аясында бөлмелік өсімдіктерге, жеміс және сәндік ағаштарға күтім жасау, бақшада күзгі-көктемгі жұмыстарды ұйымдастыру бойынша білі алады.

«Цифрлық куратор» курсы аясында тыңдаушылар қолданбалы компьютерлік бағдарламалармен, желілермен және интернетпен, электрондық үкімет ресурстарымен танысып, онлайн платформаларда жұмыс істеу дағдыларын үйреніп, 80 жылдан аса тарихы бар университіміздің әлеуетті базасымен танысты. Осы курс бойынша биылғы жылы 18 тыңдаушы оқыды.

Халықаралық ынтымақтастық аясындағы курстар бойынша Өзбекстан Республикасының жоғары оқу орындарының: Андижан машинажасау институты, Карши инженерлік-экономикалық институты,  Қарақалпақ ауылшаруашылығы және агротехнологиялар институты, Ферғана мемлекеттік университеті, Низами атындағы Ташкент мемлекеттік педагогикалық университеті, Наманган мемлекеттік педагогикалық институты, Ташкент мемлекеттік транспорт  университеті, Ташкент химия-технологиялық институты және т.б., барлығы 109 адам біліктілігін арттырды.

Сонымен қатар, ақылы негіздегі курстар бойынша  ЖОО, колледждердің, білім беру меемелерінің және өндіріс орындары мен мекемелердің қызметкерлері барлығы 186 адам біліктілігін арттырды.