Жаңалықтар

28 қаңтар күні М.Әуезов атындағы Оңтүстік Қазақстан мемлекеттік университеті "Жаратылыстану ғылымдары және педагогикасы" жоғары мектебінің базасында Шымкент қаласының мектеп және колледж бітірушілеріне арналған "Ашық есік" күні өткізілді. Университеттің "Кәсіби бағдар беру" бөлімінің мамандары, Жоғары мектеп профессор-оқытушылары, жұмыс берушілер мен ата-аналар жас талапкерлерге болашақ мамандықтарын таңдау бойынша ақыл кеңестерін берді. Ал жоғары мектептің студенттері ғылыми үйірмелерде жасалған ғылыми жобалары, шығармашылық жұмыстары бойынша жетістіктерімен бөлісті.