«PMI® PMBOK® Guide Sixth Edition» стандарты негізінде жобаларды басқару тәжірибесі» тақырыбындағы оқу-тренинг семинары

2020 жылы қарашаның 24-і мен 26-ы мерзімі аралығында университет базасында Қазақстан Республикасы Жобалық менеджерлері одағының «PMI® PMBOK® Guide Sixth Edition стандарты негізінде жобаларды басқару тәжірибесі» оқу-тренинг семинары ұйымдастырылды.

Семинардың міндеттері:

- нақты жұмыс барысында практикалық қолданыстағы PMI® PMBOK ® sixth 6th Edition заманауи халықаралық стандартының негізінде жобаларды басқару моделін құрастыру;

- жобалық басқару бойынша жобаның басшысы мен оның мүшелері үшін күнделікті қажетті ақпараттар мен білімді жүйелі ұсыну;

- кәсіби даму кезеңінде жобаларды басқару бойынша бірыңғай сөздік қоры мен дағдылардың, тұжырымдамалардың қажетті негіздерін құру.

Оқу-тренинг семинарына университет ректоры Д.П.Кожамжарова, проректорлар, департамент директорлары қатысты. ҚР ЖМО коммерциялық департаментінің директоры Дюсембаева Айда және тренер коуч Викуловская Алия өз кезегінде қатысушыларды мынадай мәселелермен таныстырды:

- PMI® РМВОК ® Guide 6 басылым стандарттарының білім аясының және үдерістерінің топтарымен;

- нақты оқу жобаларындағы жобалық басқару әдістері мен құралдарын практикалық пайдалануды;

- практикалық тапсырмаларды орындау кезеңінде стандарттарды қолдану дағдыларын нығайтуды.

Тренингтің қорытынды нәтижелері бойынша тыңдаушылар сертификат алып, PMI® PMP® (Project Manager Professional) дәрежесі бойынша емтихан тапсыру рұқсатына ие болды.