Жәнібеков Ақынқожа Қаленұлы

Жанибеков Акынкожа Каленович

Соңғы лауазымы: Мұхтар Әуезов атындағы Оңтүстік Қазақстан зерттеу университетінің Басқарма мүшесі – ғылым және инновациялар жөніндегі проректоры

Туған күні: 13.02.1980 ж.

Отбасылық жағдайы: үйленген, үш баласы бар

Тілді білуі: қазақ, орыс, ағылшын

Білімі, мамандығы (біліктілігі):

• Әл-Фараби атындағы Қазақ ұлттық университеті (2001)

Бакалавриат. Мамандығы: «Құқықтану»

• Әл-Фараби атындағы Қазақ ұлттық университеті (2003)

Магистратура. Мамандығы: «Халықаралық құқық»

• Әл-Фараби атындағы Қазақ ұлттық университеті (2013)

Докторантура. Мамандығы: «Құқықтану»

Ғылыми атақтары, дәрежелері, қызметі:

• «Құқықтану» мамандығы философия докторы (PhD) (2014);

• Қауымдастырылған профессор (2020);

• Ұлттық заң академиясының академигі (2024);

• Профессор (2025).

Еңбек өтілі:

• Әл-Фараби атындағы Қазақ ұлттық университеті Халықаралық қатынастар факультетінің оқытушысы, аға оқытушысы (2003 – 2008 жж.);

• Әл-Фараби атындағы Қазақ ұлттық университеті Заң факультеті деканының орынбасары (2008 – 2010 жж.);

• Әл-Фараби атындағы Қазақ ұлттық университеті қылмыстық құқық, қылмыстық іс жүргізу және криминалистика кафедрасының аға оқытушысы, доценті (қауымдастырылған профессор), оқу, әдістемелік және тәрбие жұмысы жөніндегі меңгеруші орынбасары (2011 – 2025 жж.);

• Әл-Фараби атындағы Қазақ ұлттық университеті Заң факультеті деканының оқу-әдістемелік және тәрбие жұмысы жөніндегі орынбасары (2023 – 2024 жж.);

• Мұхтар Әуезов атындағы Оңтүстік Қазақстан зерттеу университеті ректоры аппаратының басшысы (2025 ж.);

• Мұхтар Әуезов атындағы Оңтүстік Қазақстан зерттеу университетінің Басқарма мүшесі – ғылым және инновациялар жөніндегі проректоры (2025 ж. – қазіргі уақытқа дейін).

Қосымша қызметтері:

• «Заң кадрларын қайта даярлау және біліктілігін арттыру» орталығының басшысы (2015 – 2025 жж.);

• «6D030100, 8D04203 – Құқықтану; 6D030200, 8D04201 – Халықаралық құқық» мамандықтар тобы бойынша Диссертациялық кеңестің ғалым хатшысы (2020 – 2024 жж.);

• НҚА жобаларына ғылыми сыбайлас жемқорлыққа қарсы сараптама жүргізу жөніндегі сарапшы (2021 ж.);

• «Қылмыстық іс жүргізу құқығы (жалпы бөлім)» МООК авторы (2021 ж.);

• «6В042045 – Құқық қорғау қызметі» білім беру бағдарламасын әзірлеуші.

Мемлекеттік және халықаралық марапаттары мен құрметті атақтары:

• «Әл-Фараби атындағы Қазақ ұлттық университетіне 75 жыл» төсбелгісі (ҚазҰУ Ғылыми кеңесінің 12.10.2009 ж. № 457 шешімі);

• Қазақстан Республикасы Қаржы министрлігі Кедендік бақылау комитетінің «Кедендік ынтымақтастықты дамыту үшін» медалі (№0080 куәлік, 2010 ж.);

• Университеттің дамуына қосқан үлесі үшін «Әл-Фараби атындағы Қазақ ұлттық университетіне 80 жыл» мерейтойлық медалі (Ректордың 23.12.2015 ж. №477 бұйрығы);

• «Қазақстан полициясына 25 жыл» төсбелгісі (ҚР Ішкі істер министрінің 23.05.2019 ж. №258 ж/қ бұйрығы);

• 2018 жылғы «ЖОО-ның үздік оқытушысы» атағының иегері (ҚР Білім және ғылым министрлігінің куәлігі, 2019 ж.);

• «Әл-Фараби атындағы Қазақ ұлттық университетіне қосқан үлесі үшін» күміс медалі (ҚазҰУ ректорының 01.02.2021 ж. №58 бұйрығы);

• «Ерен еңбегі үшін» медалі – Әл-Фараби атындағы Қазақ ұлттық университетінің дамуына қосқан үлесі үшін (ҚазҰУ ректорының 05.02.2021 ж. №60 бұйрығы);

• ҚР Оқу-ағарту министрлігінің Құрмет грамотасы – Қазақстанның рухани және әлеуметтік дамуына, өркендеуіне қосқан үлесі үшін (Астана, 2024 ж.);

• «Қазақстан криминологиялық қауымдастығы 25 жыл» төсбелгісі (01.06.2025 ж.).

Ғылыми еңбектері мен жарияланымдары:

• AP05135569 «Сот құқықтық реформа аясында қылмыстық сот өндірісінде адам құқықтарын қорғау» ғылыми жобасының бас ғылыми қызметкері (2018 – 2020 жж.);

• АР09260964 «Жеке детективтік қызмет заманауи мемлекеттің құқық қорғау органдары тетігінің ерекше элементі ретінде» ғылыми жобасының бас ғылыми қызметкері (2021 – 2023 жж.);

• AP14973071 «Пробациялық бақылау адамдардың құқықтары мен бостандықтарына кепілдік беру нысандарының бірі ретінде» ғылыми жобасының бас ғылыми қызметкері (2022 – 2024 жж.);

• BR 27882414 «Зорлық-зомбылық құрбаны болған балаларды қолдау және оңалту бағдарламасы: ресурстық модульді орталықтар желісін тәжірибелік енгізу» бағдарламалы-нысаналық қаржыландыру бойынша жетекші ғылыми қызметкер (2023 – 2025 жж.);

• BR24993217 «Қазақстан Республикасының қылмыстық құқығы саласындағы заңдар мәтіндерінің құқықтық терминологиясы мен тілдік түпнұсқалығын үйлестіру» бағдарламалы-нысаналық қаржыландыру бойынша жетекші ғылыми қызметкер (2024 – 2026 жж.);

• BR27101389 «Заңнаманың тиімділігін, ашықтығын оңтайландыру және арттыру үшін Қазақстан Республикасының заң шығару процесіне жасанды интеллект құралдарын енгізу» бағдарламалы-нысаналық қаржыландыру бойынша бас ғылыми қызметкері (2024 –2026 жж.);

• AP25796421 «Қазақстандағы қылмысты азайту мақсатында университет тәжірибесіне үстел және цифрлық оқу-құқықтық ойындарды әзірлеу және енгізу» ғылыми жобасының бас ғылыми қызметкері (2025 –2027 жж.);

• BR28713695 «Әйелдер мен жасөспірім қыздарға қатысты зорлық-зомбылық мәселелері бойынша отбасы мен қоғамның ынтымақтастығының теориялық және әдіснамалық негіздері» бағдарламалы-нысаналық қаржыландыру бойынша жетекші ғылыми қызметкер (2025 –2027 жж.);

• 80-нен астам ғылыми мақаланың авторы, оның ішінде 13 мақала Scopus және Web of Science дерекқорларына кіретін журналдарда жарияланған (h-индексі – 4);

• 3 монографияның және 5 оқу құралының, 4 оқу-әдістемелік құралдың авторы, 5-тен астам авторлық куәліктің иегері, аннотациялар мен авторефераттар жинағының бірлескен авторы.