Жаңалықтар
Ерекше өткен «Digital Nauryz»
- Қаралды: 11
М.Әуезов атындағы Оңтүстік Қазақстан университетінде «Digital Nauryz» аясында Наурыз мерекесі биыл ерекше форматта ұйымдастырылды. Мерекеге арнайы қонағымыз Ұлттық ғылым академиясының академигі, ҚР Президенті жанындағы Ұлттық құрылтай мүшесі Кәрімбек Құрманәлиев, ардагер-ұстаздарымыз, профессор-оқытушылар құрамы және студенттер қатысты.
Ұлттық рухты асқақтатқан бұл мереке «Кимешек шеруі» атты тағылымы терең, әсерлі іс-шарамен бастау алды. Дәстүр мен жаңашылдықты үйлестірген көркем көріністе 100 ана кимешек киіп, бір мезетте халықтың сүйікті әні «Сәулем-ай»-ды әуелете шырқап, көпшілікке ерекше әсер сыйлады. Мерекелік жиында университеттің Басқарма төрағасы-ректор Дархан Ахмед-Заки құттықтау сөз сөйлеп, Наурыздың мәні мен маңызына тоқталды. Әр шаңыраққа бақ-береке, ырыс пен ынтымақ тіледі.
Салтанатты шара концерттік бағдарламаға ұласты. Әсем әндер шырқалып, мың бұралған бишілердің өнері мерекенің ажарын аша түсті. Ұлттық салт-дәстүрлер де назардан тыс қалмады. Көрермендерге «Бесікке салу» және «Тұсау кесу» рәсімдері ұсынылып, қазақ халқының бай мұрасы кеңінен насихатталды. Әр факультет, жоғары мектеп және колледж ұжымдарынан құралған командалар, сондай-ақ жеке қатысушылар ләңгі тебу, гір көтеру және арқан тартыс сынды спорт түрлерінен өзара бақ сынады.
Ұлттық нақышпен көмкерілген киіз үйлер, тербелген алтыбақан, наурызкөже қайнаған қазандар – барлығы өзара үйлесім тауып, мерекенің көркін арттыра түсті. Осылайша, дәстүр мен шаттыққа толы Наурыз думаны ерекше әсермен өтті.
Барша ұжымды Ұлыстың ұлы күні Әз-Наурыз мерекесімен құттықтаймыз!
Ұлттық рухты асқақтатқан бұл мереке «Кимешек шеруі» атты тағылымы терең, әсерлі іс-шарамен бастау алды. Дәстүр мен жаңашылдықты үйлестірген көркем көріністе 100 ана кимешек киіп, бір мезетте халықтың сүйікті әні «Сәулем-ай»-ды әуелете шырқап, көпшілікке ерекше әсер сыйлады. Мерекелік жиында университеттің Басқарма төрағасы-ректор Дархан Ахмед-Заки құттықтау сөз сөйлеп, Наурыздың мәні мен маңызына тоқталды. Әр шаңыраққа бақ-береке, ырыс пен ынтымақ тіледі.
Салтанатты шара концерттік бағдарламаға ұласты. Әсем әндер шырқалып, мың бұралған бишілердің өнері мерекенің ажарын аша түсті. Ұлттық салт-дәстүрлер де назардан тыс қалмады. Көрермендерге «Бесікке салу» және «Тұсау кесу» рәсімдері ұсынылып, қазақ халқының бай мұрасы кеңінен насихатталды. Әр факультет, жоғары мектеп және колледж ұжымдарынан құралған командалар, сондай-ақ жеке қатысушылар ләңгі тебу, гір көтеру және арқан тартыс сынды спорт түрлерінен өзара бақ сынады.
Ұлттық нақышпен көмкерілген киіз үйлер, тербелген алтыбақан, наурызкөже қайнаған қазандар – барлығы өзара үйлесім тауып, мерекенің көркін арттыра түсті. Осылайша, дәстүр мен шаттыққа толы Наурыз думаны ерекше әсермен өтті.
Барша ұжымды Ұлыстың ұлы күні Әз-Наурыз мерекесімен құттықтаймыз!
Егер Сіз қатені байқасаңыз, мәтін бөлігін таңдап, Ctrl+Enter пернелерін басыңыз
