Жаңалықтар

Шымкент қаласында мемлекеттік жастар саясатын дамытуға үлес қосып жүрген белсенді жастарды ұлықтайтын дәстүрлі «Үздік жастар – 2025» премиясы өз жеңімпаздарын анықтады.
Қалалық «Жастар ресурстық орталығының» ұйымдастыруымен өткен салтанатты шарада Шымкент қаласының әкімі Ғабит Сыздықбеков жеңімпаздарды арнайы марапаттады.
Биылғы байқауға 14 пен 35 жас аралығындағы 250-ге жуық үміткер қатысып, солардың ішінен тек 20 жас қана «Өз саласының үздігі» атағына ие болды. Қуантарлығы, Әуезов университетінің студенттері мен түлектері де – осы таңдаулылар қатарында!

• Үздік студент — Сая Сихым
• Үздік пікірсайысшы — Мехринисо Абдурашидова
• Үздік жас ғалым — Асель Дархан

Сондай-ақ, Әуезов университетінен түлеп ұшқан түлектеріміз де биіктен көрінді:

• Үздік хореограф — Айдана Керім
• Үздік жұмысшы маман — Шындәулет Маханов
• Үздік қызметкер — Шынар Дәуренбекқызы
• Үздік спортшы — Сұлтан Заурбек

Мегаполистегі 400 мыңға жуық жастың ішінен оқ бойы озық шығу — үлкен қажыр-қайрат пен білімнің жемісі. Жеңімпаздарға қала әкімінің атынан арнайы дипломдар, статуэткалар және планшеттер табысталды.
Бұл марапат — жастардың елдің саяси-қоғамдық өміріне қосқан зор үлесі мен арманға деген адалдығының айқын дәлелі. Барша жеңімпаздарды жарқын жеңістерімен шын жүректен құттықтаймыз!