Жеке бостандыққа құқық: зорлық-зомбылыққа, сталкингке және некеге мәжбүрлеуге қатысты құқықтық негіздер мен жауапкершілік
- Факультет: xt
- Кафедра: pharm
Топ кураторы Сырманова Гульбану Бауыржанкызы тәрбие сағатын
ашып, бүгінгі кездесудің тақырыбы — жеке бостандыққа құқық — қазіргі
қоғам үшін аса өзекті әрі маңызды мәселе екенін атап өтті. Ол жеке бостандыққа
құқықтың адам құқықтары жүйесіндегі негізгі, іргелі құқықтардың бірі болып
табылатынын және бұл құқық әрбір адамның еркін өмір сүруіне, өз таңдауын
жасауына, жеке өміріне қол сұғылмауына кепілдік беретінін түсіндірді. Жеке
бостандық адамның қадір-қасиетімен, ар-намысымен, қауіпсіздігімен және
әлеуметтік еркіндігімен тығыз байланысты екені ерекше атап өтілді.
Куратор өз сөзінде жеке бостандыққа тікелей қауіп
төндіретін құбылыстардың қатарында зорлық-зомбылық, сталкинг және некеге
мәжбүрлеу әрекеттерін атап өтті. Бұл әрекеттердің барлығы адам құқықтарын
өрескел бұзатын, жеке тұлғаның еркіндігі мен қадір-қасиетіне нұқсан келтіретін
заңға қайшы әрекеттер екені түсіндірілді. Зорлық-зомбылықтың кез келген түрі —
физикалық, психологиялық немесе экономикалық — адамның денсаулығына ғана емес,
оның психологиялық жағдайына, әлеуметтік бейімделуіне және болашақ өміріне ауыр
зардаптар әкелетіні айтылды.
Сонымен қатар, сталкингтің жеке өмірге заңсыз араласу,
адамның еркін жүріп-тұруына, өзін қауіпсіз сезінуіне кедергі келтіретін қауіпті
құбылыс екеніне ерекше назар аударылды. Куратор сталкингтің көп жағдайда елеусіз
қалып, бірақ ұзақ мерзімді психологиялық қысым мен қорқыныш тудыратын ауыр
салдарға әкелетінін атап өтті. Мұндай әрекеттердің қоғамда қалыпты құбылыс
ретінде қабылданбауы керектігі және оған төзбеушілік таныту қажеттігі баса
айтылды.
Некеге мәжбүрлеу мәселесіне тоқтала отырып,
Баймуратова Жайна Абилхасимовна некенің тек екі жақтың еркін әрі саналы
келісімімен ғана жүзеге асырылуы тиіс екенін түсіндірді. Мәжбүрлі некенің жеке
адамның таңдау құқығын шектеп, оның болашағына, психологиялық жағдайына және әлеуметтік
дамуына кері әсер ететіні атап өтілді. Бұл әрекет адамның жеке бостандығын
бұзумен қатар, құқықтық жауапкершілікке әкелетінін айтты.
Куратор өз сөзінде Қазақстан Республикасының
заңнамасында жеке бостандыққа қол сұғатын мұндай құқықбұзушылықтар үшін нақты
жауапкершілік қарастырылғанын түсіндірді. Мемлекет адамның құқықтары мен
бостандықтарын қорғауды басты құндылықтардың бірі ретінде қарастыратынын,
сондықтан әрбір азамат өз құқықтарын білуі және қажет болған жағдайда оларды
заң аясында қорғауы тиіс екенін атап өтті. Сонымен қатар, студенттерге құқықтық
сауаттылықтың маңыздылығы, өзіне және өзгелерге құрметпен қарау,
зорлық-зомбылықтың кез келген түріне қарсы азаматтық ұстаным қалыптастыру
қажеттігі жөнінде ой тасталды.
Сөз соңында топ кураторы бүгінгі тәрбие сағатының
мақсаты — студенттердің құқықтық санасын арттыру, жеке бостандықтың мәнін
түсіндіру және қоғамдағы зорлық-зомбылық, сталкинг пен мәжбүрлі некенің алдын
алу екенін атап өтті. Студенттерді белсенді қатысуға, өз ойларын ашық айтуға
және құқықтық мәдениетті қалыптастыруға шақырды.
Ссылки
Социальные сети
Документы
Медиа файлы
