Оқу құралы 5В050905- «Әлеуметтік жұмыс» мамандығының студенттеріне арналған. Өмірімізді жаңарту жағдайында жас маманға қажетті білім мен дағдылардын бірі - әлеуметтану ғылымы. Қоғам туралы ғылым болғандықтан әлеуметтанусыз рухани өмірді түсініп, даму заңын анықтап, көптеген байланыс жүйелеріне сәйкес жұмыс ұйымдастыру қиынға соғады. Әлеуметтік сала қызметі - басшылық жасауға, бағдар беруге қиындау келетін рухани мәдениеттің саласы. Өйткені ол халықтың әлеуметтік және өзін-өзі рухани байытуға арналған іс-әрекет. Әр адамның ішкі дүниесімен, талғам тәрбиесімен байланысты. Сондықтан әлеуметтік салада әлеуметтік зерттеу қызметкеріне нәтижелі ғылыми тұрғыдан жұмыс істеу үшін, халықтың ұлттық мәдениетін, саяси, экономикалық, тіпті мінез-құлық мәдениетін қалыптастырып дамыту үшін, олардың қоғамдық мақсаттарын, қайнар көзін, байланыс жүйелерін әлеуметтік зерттеулер арқылы ғана білуге болады. Сонымен қатар әлеуметтік сала қызметкерлері өз жұмысын халықтың талап-тілегіне сай, қалай болғанда да олардың рухани өмірін жылдан жылға биіктетуге арнау қажет. Бұл жұмыс тек арнаулы әлеуметтік ізденіс, оның нәтижесін жылдық жоспарға енгізу арқылы атқарылады.