Жатақхана 2022-2023 оқу жылына

Ағымдағы жылдың 26.09-05.10.2022 ж. аралығында  университетіміздің «Әлеуметтік зерттеулер бөлімі» «ОҚУ-нің студенттерінің  жатақханадағы тұрмыстық жағдайына қанағаттануы» атты сауалнама өткізді.

Студенттердің жатақханадағы әлеуметтік ахуал мен тұрмыс жағдайына көзқарасы, оны бағалауы, жатақханадағы жауапты қызметкерлермен қарым-қатынасы, жатақханадағы әлеуметтік-психологиялық жағдай, студенттердің бос уақытын тиімді өткізуін сараптау, өйткені бұл жоғары оқу орнындағы оқытудың сапасына тікелей әсер етеді.

Зерттеудің міндеттері:

• Жатақханадағы студенттердің тұрмыс жағдайына қанағаттануын бағалау;
• Студенттердің сабақтан тыс уақыттағы және жатақханадағы тәрбие жұмысының орындалуын сараптау;
• Жатақханада кездесетін  ең негізгі мәселелерді анықтау;
• студенттердің өмір сүру деңгейін және олардың оқу қызметі үшін әлеуметтік көңіл-күй жағдайларын бағалау.

Зерттеу жүргізу объектілері: ОҚУ-нің  №1,2,4,5 жатақханалары.

Сауалнаманы өткізудің әдісі: жатақханаларда тұратын студенттерге электронды сауалнама жүргізу. Сауалнамалық сұрақ-жауап.

Зерттеу барысында ОҚУ-нің  №1, 2, 4, 5  жатақханаларында тұратын барлығы 1203 студенттен 731 студент сауалнамаға қатысты. Сауалнамаға қатыстқан студенттердің  үлесі 60%  құрады.

Жалпы жатақханалардағы қалыптасқан жағдайға  респонденттердің  92,3%-ы қанағаттанатынын  көрсеткен.

2022 жылғы 26 қазандағы  декан сағатының отырысында қаралды, №4 хаттама.