М. Әуезов атындағы ОҚУ өкілдері Бейжің қаласында (ҚХР) өткен «Жасыл энергетика» халықаралық жазғы мектебіне қатысты

: 28 Қазан 2025; Қаралды: 39

Академиялық ұтқырлық бағдарламасы аясында «Ақпараттық технологиялар және энергетика» жоғары мектебінің өкілдері Солтүстік Қытай электр энергетика университетінің (NCEPU, Бейжің, Қытай) базасында ұйымдастырылған International “Green Energy Youth Leadership Camp” халықаралық жазғы мектебіне қатысты.

қатысушылар:

жасыл энергетика және тұрақты даму мәселелері бойынша дәрістер мен семинарларға қатысты,
энергетика саласындағы жаһандық сын-қатерлерді талқылады,
түрлі елдерден келген жас мамандар мен ғалымдармен тәжірибе алмасты,
қытай мәдениетімен танысып, кәсіби көкжиегін кеңейтті.

Жазғы мектепке қатысу – 2025 жылдың мамыр айында университет делегациясының Қытайға ресми сапары кезінде М. Әуезов атындағы ОҚУ мен NCEPU арасында қол қойылған ынтымақтастық туралы келісімнің нәтижесі болып табылады.

Сапар аясында факультет өкілдері арасында келесі бағыттар бойынша жаңа бірлескен білім беру бағдарламаларын іске асыруға арналған оқу жоспарлары келісілді:
«Электр техникасы және автоматтандыру»
«Жаңа энергия көздері саласындағы ғылым мен техника»
Бағдарлама қос дипломды білім беру форматында жүзеге асырылады, бұл студенттерге халықаралық академиялық тәжірибе мен екі жоғары оқу орнының дипломдарын алуға бірегей мүмкіндік береді.
М. Әуезов атындағы ОҚУ Қытай университеттерімен стратегиялық әріптестікті белсенді түрде дамытып, академиялық ұтқырлықты, бірлескен зерттеулерді және жаңа буын мамандарын даярлау мүмкіндіктерін кеңейтуде.
Жазғы мектептің бағдарламасы тұрақты дамудың міндеттерін тиімді шешуге және заманауи «жасыл» технологияларды енгізуге қабілетті мамандарды даярлауда құнды үлес қосты.