Жаңалықтар
М. Әуезов атындағы Оңтүстік Қазақстан университетінде академиялық ұтқырлық бағдарламасына қатысуға үміткерлерді іріктеу жөніндегі комиссия отырысы өтті
- Қаралды: 25
2025 жылғы 29 тамызда М. Әуезов атындағы Оңтүстік Қазақстан университетінде 2025–2026 оқу жылының күзгі семестрінде академиялық ұтқырлық бағдарламасына қатысуға үміткерлерді іріктеу жөніндегі комиссияның отырысы өтті.
Комиссия отырысына университеттің құрылымдық бөлімшелерінің өкілдері, үкіметтік емес ұйымдардың мүшелері, сондай-ақ қалалық мәслихат депутаттары қатысты. Бұл іріктеу рәсімінің ашықтығы мен қоғамдық маңыздылығын айқындады.
Комиссия студенттердің ұсынған құжаттарын қарап, іріктеуді бекітілген критерийлерге сәйкес қатаң түрде жүргізді. Аталған критерийлерге академиялық үлгерім, шетел тілін меңгеру деңгейі, ғылыми, жобалық және қоғамдық қызметке қатысу жатады. Нәтижесінде республикалық бюджет қаражаты және университеттің бюджеттен тыс қаражаттары есебінен шетелде оқуға ұсынылатын студенттердің тізімі жасақталды.
Академиялық ұтқырлық бағдарламасы білім беруді интернационалдандырудың маңызды құралы болып табылады және М. Әуезов атындағы Оңтүстік Қазақстан университетінің студенттеріне халықаралық білім алу тәжірибесін игеруге, кәсіби көкжиегін кеңейтуге және еңбек нарығындағы бәсекеге қабілеттілігін арттыруға бірегей мүмкіндік береді.