Жаңалықтар

2025 жылғы 13 мамырда Қытай Халық Республикасының Синьцзян университетінің «Хунху» кампусында Шанхай ынтымақтастық ұйымы Университетінің 2025 жылғы конференциясы – Ректорлар форумы өтті. Іс-шара ШЫҰ-ға мүше елдердің жетекші университеттерінің басшыларын біріктірді.

Іс-шараны ұйымдастырушылар:ҚХР Білім министрлігі (жетекші ұйым); ШЫҰ Университетінің ректоры (ҚХР); Сиань Цзяотун университеті және Синьцзян университеті (атқарушы ұйымдастырушылар).

Конференция тақырыбы – «Оқытуды цифрландыру, тұрақты және ұзақ мерзімді даму, өнеркәсіп пен білімді біріктіру».

ШЫҰ елдерінің университет ректорлары баяндама жасап, жоғары білім беруді цифрландыру мен өндірістік ортамен ықпалдастыру жағдайында трансформациялау бойынша инновациялық тәсілдерді ұсынды.

М. Әуезов атындағы Оңтүстік Қазақстан университетінің Басқарма Төрағасы – ректор Дархан Ахмед-Заки пленарлық отырыстың модераторы ретінде сөз сөйледі. Ол халықаралық ынтымақтастықтың, тұрақты дамудың және университеттердің интеллектуалдық трансформациясының маңыздылығын атап өтті.

Форумда келесі жетекші білім беру және технологиялық тәжірибелер таныстырылды: Пекин университетіндегі «ақылды кампусты» құру; Цинхуа университетінде жасанды интеллектіні оқытуда қолдану; Чжэцзян, Фудань, Харбин политехникалық, Нанкин және Шанхай Цзяотун университеттерінің тәжірибелері, сондай-ақ цифрлық трансформация мен тұрақты білім беруді дамытуға белсенді қатысатын басқа да ШЫҰ университеттері.

Бұл форумға қатысу М. Әуезов атындағы университет үшін стратегиялық маңызға ие. Университет ШЫҰ-ның белсенді қатысушысы ретінде халықаралық академиялық байланыстарды нығайтуға, алдыңғы қатарлы біліммен алмасуға және жаңа буынға арналған білім беру шешімдерін әзірлеуге ұмтылады.

Іс-шара университеттің халықаралық аренадағы рөлін нығайтудың маңызды алаңына айналды және оның цифрландыру, тұрақты даму және білім мен өндірісті біріктіру мақсаттарына адалдығын растады.