ҮЙЛЕСБЕК БЕСТЕРЕКОВ АТЫНДАҒЫ ХИМИЯ КАБИНЕТІ АШЫЛДЫ

: 23 Ақпан 2024; Қаралды: 131

Түркістан облысының Түлкібас ауданындағы Асанбай Асқаров атындағы жалпы орта мектебінде т.ғ.д., профессор Үйлесбек Бестерековтың атындағы химия кабинеті ашылды. Үйлесбек Бестереков саналы ғұмырын М.Әуезов атындағы Оңтүстік Қазақстан университетінде студент-жастарға білім беру, оларды ғылымға баулу жұмысына арнаған ғалым. Ғалымның химия және химиялық технология саласындағы жетістіктері оқушыларға таныстырылып, замандастары өмір жолын баяндады. Ғылым мен білім беру жолындағы еңбегінің жемісі ретінде профессордың шәкірттері - т.ғ.к., қауымдастырылған Айдарбек Болысбек, PhD, қауымдастырылған профессор Улжалғас Назарбек, PhD Саят Ермеков айтулы іс-шараға қатысып, ұстаздың шәкірт тәрбиелеудегі, өзінің ғылыми мектебін қалыптастырудағы орасан зор рөлін атап өтті.

Ғалымның есімі берілген химия сыныбынан ғылым мен білімге құштар жастар тәрбиеленетініне сенеміз.