Жаңалықтар

Бүгін, 2022 жылғы 5 қазанда М.Әуезов атындағы Оңтүстік Қазақстан университетіне Шығыс Еуропа және Орталық Азия елдері бойынша QS аймақтық директоры Сергей Владимирович Христолюбов ресми іс-сапармен келді.

Сапар барысында университет басшылығымен және М.Әуезов атындағы ОҚУ ғалымдарымен кездесу өтті. Сергей Христолюбов университеттің QS әлемдік рейтингінде алға жылжу үшін атқарған жұмысын жоғары бағалады.

Кездесу барысында университетті тиімді дамыту, әріптестік байланыстарды кеңейту, QS арқылы ғылыми серіктестер желісін пайдалану, бірлескен зерттеулер мен зертханаларды дамыту мәселелері қарастырылды.

Сапар аясында университеттің ғылыми зертханалары мен ғылыми бөлімшелеріне экскурсия жасалды.

Естеріңізге сала кетейік, М.Әуезов атындағы ОҚУ 39 позицияға көтеріліп, 2023 жылғы QS World University Ranking рейтингісі бойынша әлемде 443 орынға ие болды.