Жаңалықтар

14.02.2022 ж. М.Әуезов атындағы ОҚУ Болон процесі және академиялық ұтқырлық орталығы мен «Механика және мұнайгаз ісі» факультетінің ұйымдастыруымен «Сандық өнеркәсіптік инжиниринг және жасыл энергетика» тақырыбында Халықаралық қысқы мектеп өз бастауын алды. Халықаралық қысқы мектепке 250 ге жуық студенттер, магистранттар, докторанттар, мектеп мұғалімдері мен оқытушылар қатысты және  Қазақстан, Өзбекстан, Қырғыстан, Ресей, Азербайджан, Түркия, Белгия, Ұлыбритания, АҚШ елдерінен білікті профессорлар мен доценттер өз баяндамаларын оқыды. Халықаралық қысқы мектеп 14.02 – 27.02.2022 ж. Аралығында онлайн ZOOM  платформасында өткізіледі. Халықаралық қысқы мектепте, екі апта көлемінде техникалық бағытта түрлі тақырыптағы баяндамалар, жаңа деректермен таныс бола аласыз. Барлықтарыңызды Халықаралық қысқа мектепке белсенді қатысуға шақырамыз!