Жаңалықтар

2021 жылы 3 желтоқсан күні, сағат 10:30-да М.Әуезов атындағы ОҚУ ҚР Тәуелсіздігінің 30 жылдығына арналған «ТӘУЕЛСІЗДІКТІҢ ҚАЗАҚСТАНДЫҚ ЖОЛЫ: ЖАСАМПАЗДЫҚТЫҢ 30 ЖЫЛЫ» атты Халықаралық ғылыми-тәжірибелік конференция ұйымдастырады.

Конференция жұмысы Мемлекет басшысы Қ.К.Тоқаевтың «Тәуелсіздік бәрінен де қымбат» атты бағдарламалық мақаласын, Қазақстан халқына Жолдауының басты бағыттарын, сонымен қатар Елбасы Н.Ә.Назарбаевтың «Nur Otan» партиясы Саяси кеңесінің кеңейтілген отырысында қазақстандықтарға және жас ұрпаққа жолдаған - «Елділіктің жеті тұғыры» атты Үндеуіндегі қағидаттар жиынтығындағы келелі мәселерді қарастырады.

Конференция жұмысының барысында М.Әуезов атындағы ОҚУ «Әлеуметтік-гуманитарлық ғылымдар» ғылыми зерттеу институтының «ТӘУЕЛСІЗДІК ҚҰНДЫЛЫҚТАРЫ МЕН ЖЕТІСТІКТЕРІ» атты көрмесі ұйымдастырылады.

«Әлеуметтік-гуманитарлық ғылымдар» ғылыми зерттеу институты ҚР Тәуелсіздігіне 30 жылдық мерей тойы қарсаңында - «Мың жылдық белес» атты ұжымдық монографиясының тұсаукесері жоспарлануда.

Сонымен қатар, республикамыздың мемлекет қайраткерлері, ғалымдар, академиктер, бауырлас мемлекеттерімізден Өзбекстан, Түркия елдерінен, Нұрсұлтан, Алматы, Тараз, Түркістан, Қарағанды, Шымкент қаласы бойынша жоғарғы оқу орындарының ғалым-педагогтары, көптеген ғылыми-зерттеу институттар және ғылыми орталықтардың қызметкерлері, орта және кәсіптік білім жүйесінің өкілдері, жас ғалымдар - магистранттар мен докторанттар конференция жұмысына қатысады деп күтілуде.

Конференция жұмысына 100-ден астам баяндама түсіп, 2 томдық конференция еңбектері жарыққа шықты.

Конференцияда төмендегі бағыттарда секция жұмыстары жұмысын жасайды:.

- «Қазақстан мемлекеті: генезис және түркі елдерінің этникалық жүйесінің эволюциясы;

- Тәуелсіз Қазақстанның тарихи кезендері, жетістіктері және құндылықтары;

-Тәуелсіз Қазақстанның технологиялық дамуы және саяси-экономикалық реформалары;

- Елбасы - Тәуелсіздігіміздің мәңгі символы;

- Цифрлы Қазақстан: білім және ғылымның даму серпіні, қоғамдық сананың жаңғырту үдерісі;

- Тәуелсіз Қазақстанның ХХІ ғасырда дамуының жаңа белестері».

Конференция аясында «Мәдениет және спорт» факультетінің ұйымдастыруымен Шымкент қаласының жоғарғы оқу орындары және колледж студенттері арасында «Жетіасар» галереясында «CREATOR» - суретшілер мен дизайнерлердің көрме-байқауы ұйымдастырылады.