Конференция залдары

Академик С.Т. Сүлейменов атындағы мәжіліс залы – университеттің ғылыми-интеллектуалдық орталықтарының бірі. Бұл залда маңызды шешімдер қабылданатын Ғылыми кеңестің отырыстары, халықаралық және республикалық деңгейдегі форумдар, ғылыми-практикалық конференциялар, семинарлар өткізіледі. Сондай-ақ, шетелдік жоғары оқу орындарының профессор-оқытушылары мен сарапшыларының ашық дәрістері мен тәжірибе алмасу кездесулері де осы алаңда ұйымдастырылады. Зал заманауи мультимедиалық құралдармен жабдықталған, ғылыми пікір алмасу мен талқылауларға ыңғайлы жағдай жасалған.

Халықаралық зал — университеттің жаһандық байланыстарын дамытуға арналған маңызды алаң. Бұл жерде шет елдік қонақтармен, жоғары оқу орындары мен ғылыми-зерттеу институттарының өкілдерімен, сондай-ақ шетел мемлекеттерінің Қазақстандағы Төтенше және Өкілетті Елшілерімен ресми кездесулер, келіссөздер, ынтымақтастық туралы меморандумдарға қол қою рәсімдері өтеді.

Диссертациялық кеңес залы – ғылым саласында маңызды академиялық іс-шаралар өтетін арнайы жабдықталған орын. Бұл залда диссертация қорғау рәсімдері өткізіледі (магистрлік, PhD, докторлық);  ғылыми жобаларды талқылау, сараптау, ұсыныстар беру секілді жындар Zoom байланыс арқылы жүзеге асады.  Зал мультимедиалық құралдармен (проектор, микрофон, дыбыс жүйесі) жабдықталып, ресми форматқа сай жабдықталған.

Жас ғалымдар залы – университет қабырғасындағы ғылыми-академиялық және халықаралық іс-шараларды өткізуге арналған маңызды алаң. Университеттегі іс-шаралар, кеңестер, жас ғалымдармен кездесулер, тәжірибе алмасу семинарлары, еліміздегі, шет елдегі қонақтармен кездесулер, шет елдік ЖОО, ғылыми институттар өкілдері, Қазақстандағы шетел мемлекеттерінің Төтенше және Өкілетті елшілерімен халықаралық ынтымақтастық кездесулері өткізіледі.