6B04161 IT-маркетинг

1.Лицензия

2.Акредиттеу

3.Білім беру бағдарламасы(ББ)

4.Жетістіктер

Кафедра студенттері, «Auezov digital group» (ADG) командасы «Маркетинг» мамандығы бойынша VI халықаралық студенттік сырттай олимпиадаға қатысты.

Мемлекеттің қолдауымен жас ғалымдарға жеңілдетілген тұрғын үй несиесі бағдарламасы бойынша «Менеджмент және маркетинг» кафедрасының жас ғалымы, PhD докторы Айжан Амангелдіқызы Есентаева үш бөлмелі пәтерге ие болды. Әріптесімізді құттықтаймыз!

IT Маркетинг білім беру бағдарламасының студенттері кәсіби бағыт бойынша курстарды тұрақты түрде өтіп, білімдерін жетілдіріп, сертификаттар алады.

«Басқару және бизнес» жоғары мектебінің «Менеджмент және маркетинг» кафедрасының доценті Есболова А.Е. Developing a competitive commodity policy: strategic assortment and product decisions of company X amid market challenges and changing consumer preferences тақырыбында кейс-стади форматында ашық сабақ өткізді.
Сабақ барысында студенттер нақты жағдайларды талдауға белсенді қатысып, кәсіпорынның тауарлық саясатын қалыптастыру және оңтайландыру бойынша шешімдер әзірледі. Интерактивті тәсіл студенттердің сыни ойлау қабілеттерін, теориялық білімдерін тәжірибеде қолдану және командада жұмыс істеу дағдыларын көрсетуге мүмкіндік берді.
Іс-шара қорытындысы бойынша Есболова А.Е. кәсібилігі, материалды ұсынудағы жаңашылдығы және студенттердің оқу процесіне белсенді қатысуын қамтамасыз еткені үшін жоғары баға алып, II орын иеленді.
Есболова А.Е.-ні лайықты нәтижесімен құттықтаймыз және педагогикалық қызметінде табыстар тілейміз!

04.12.25 күні әр кафедраның студенттері Danone Kazakhstan компаниясының өкілдерімен өткен кездесуде өз жобаларын ұсынып, команда болып жұмыс істеу дағдыларын көрсетті. Студенттер компания мамандарынан құнды пікірлер алып, тағам индустриясының даму бағыттарымен танысты.
Шара соңында барлық қатысушыларға естелік сыйлықтар табысталды. Менеджмент және маркетинг кафедрасынан екі команда белсенді түрде қатысып, өз идеяларын жоғары деңгейде қорғады.

5.ОПҚ біліктілігін арттыру

06.11.23-17.11.23

«Менеджмент және маркетинг» кафедрасының профессорлық-оқытушылық құрамы М.Әуезов атындағы ОҚУ «Цифрлық сауаттылық және онлайн оқыту әдістері» тақырыбында 72 сағат ішінде біліктілігін арттырудан өтті.

2024 жылдың 15 қаңтары мен 27 қаңтары аралығында М.Ауезов атындағы ОҚУ – нің («Менеджмент және маркетинг» кафедрасы) базасында «Заманауи жағдайда менеджмент пен маркетингтің дамуының жаңа трендтері» атты халықаралық қысқы мектеп-2024 өтті.
Қысқы мектепте 7 ел (Қазақстан, Өзбекстан, Ресей, Түркия, Польша, Беларусь және Әзірбайжан), 19 университеттің спикерлері мен тыңдаушылары қатысты.
Жабылу салтанатында спикерлер мен тыңдаушылар тарапынан қысқы мектепті ұйымдастырушы М.Ауезов атындағы ОҚУ –нің «Менеджмент және маркетинг» кафедрасына, Болон процесі және академиялық ұтқырлық орталығына алғыс айтылды.

«Менеджмент және маркетинг» кафедрасының профессорлық-оқытушылық құрамы 2024 жылдың 5-17 ақпаны аралығында, 2024 жылғы 19 ақпаннан 2 наурызға дейін

біліктілікті арттыру курсын аяқтады. «Мемлекеттік басқарудағы маркетинг пен менеджменттің инновациялық әдістері» 72 академиялық сағат көлемінде.

Кафедраның оқытушылық құрамының кәсіби құзыреттілігін дамыту мақсатында барлық білім беру бағдарламалары бойынша біліктілікті арттыру жұмыстары жүйелі түрде жүргізіледі.
Әрбір оқытушы тиісті курстардан өтіп, заманауи білім беру талаптары мен стандарттарына сәйкестігін растайтын біліктілікті арттыру сертификаттарына ие болды.
Бұл білім беру үдерісінің сапасын арттыруға, пәндердің өзектілігін қамтамасыз етуге және оқытудың заманауи әдістерін енгізуге мүмкіндік береді.

6.ОПҚ-ң еңбектері мен жобалары

Сертификаттар

«Менеджмент және маркетинг» кафедрасының профессорлық-оқытушылар құрамы «21 ғасырдағы ғылым мен білім» атты халықаралық ғылыми-тәжірибелік конференцияда баяндама жасағаны үшін II дәрежелі дипломдармен марапатталды. Ресей, Тамбов, 30 желтоқсан 2023 жыл.

20.02.24 ж. "Менеджмент және маркетинг" кафедрасы Ресей ағарту университетімен бірлесіп "білім беру ортасындағы қауіпсіздік қатерлеріне қарсы іс-қимыл мәселелері" тақырыбында Халықаралық ғылым фестивалі аясында телекөпір өткізді.
Кафедраның ПОҚ мен студенттер баяндамалар дайындап, өзекті мәселелерді талқылап, екі тарап та өз тәжірибелерімен бөлісті.

AP09261075 "Азық-түлік қауіпсіздігін қамтамасыз ету мақсатында көлденең интеграцияланған құрылым ретінде өңірлік азық-түлік хабының моделін қалыптастыру"жобасы аясында (Түркістан облысының ет кластері мысалында) 2021 жылғы "15" сәуірдегі № 219-4 шарт бойынша зерттеу тобы профессор Д.А. Құланова және PhD докторы А. Е. Есболова Дармштадт Техникалық университетінде ғылыми тағылымдамадан өтті. 18-22.09.2023 көрсетілген кезеңде зерттеушілер ғылыми және академиялық қызметте ынтымақтастық орнатты.

Зерттеу тақырыбы бойынша болу кезінде кластерді қалыптастыру үшін ет және ет өнімдерін, инфрақұрылымдық объектілерді өндіру және терең өңдеу бойынша ақпарат жиналды. Сондай-ақ ғалымдар Германияның ауылшаруашылық секторындағы кластерлік бастамаларды зерттеген Карлсруэ технологиялық институтына барды. Олар әріптестері доктор Ульрике ван дер Шаафпен және профессор Хайке Карбштейнмен кездесіп, азық-түлік орталығын құру және оның дамушы елдер үшін пайдасы туралы талқылады.
Болашақта зерттеу тобы Карлсруэ технологиялық институтының ауыл шаруашылығындағы экономика және менеджмент саласындағы ынтымақтастықты жоспарлап отыр.

Кафедраның оқытушы-профессорлық құрамы ғылыми-зерттеу және жобалық қызметті жүйелі түрде жүзеге асырады, оның нәтижелері мемлекеттік деңгейде ресми түрде мойындалады. Бұл жұмыстың маңызды көрсеткіштерінің бірі – ғылыми және оқу-әдістемелік зерттеулер аясында жасалған зияткерлік меншік объектілеріне авторлық куәліктерді рәсімдеу болып табылады.
Аталған куәліктерді кафедра оқытушылары студенттермен бірлескен авторлықта жыл сайын алып отыратынын атап өткен жөн. Мұндай ынтымақтастық форматы студенттердің ғылыми мәдениетін дамытуға, зерттеушілік құзыреттерін қалыптастыруға және оларды нақты ғылыми жобаларға тартуға ықпал етеді.
Жүргізіліп жатқан жұмыстар ғылым мен тәжірибенің өзекті бағыттарын қамтып, кафедраның ғылыми әлеуеті мен дайындық деңгейінің заманауи талаптарға сай екенін көрсетеді. Авторлық құқықтарды тіркеу әзірленген материалдардың жаңашылдығы мен маңыздылығын растап, олардың құқықтық қорғалуын қамтамасыз етеді.
Кафедра алдағы уақытта да оқытушылар мен студенттердің бірлескен ғылыми-зерттеу қызметін дамытуды және оның нәтижелерін авторлық куәліктер түрінде тіркеуді жалғастырып, ғылыми-білім беру әлеуетін нығайтуды жоспарлап отыр.

7.Студенттік ұтқырлық

8. Практика

9. Академиялық ұтқырлық

2023 жылғы 16-17 ақпан аралығында Куланова Д.А. университет басшылығының шақыруымен Ташкент мемлекеттік техникалық университетіне (Алмалық филиалы) барды. Қонақ дәрістер 12 сағат бойы ұйымдастырылды. Бұған дейін біздің университеттер арасында профессорлық-оқытушылық құрам мен студенттердің ұтқырлығы мәселелері талқыланған болатын. Оқу-әдістемелік материалды әзірлеу және шығару, Scopus базасы мен KOKSNVO журналдарында мақалаларды бірлесіп жазу.

2024 жылдың 15 қаңтарынан бастап «Менеджмент және маркетинг» кафедрасы базасында Ташкент мемлекеттік экономика университетінің корпоративтік басқару кафедрасы профессорлық-оқытушылық құрамының біліктілігін арттыру (ішкі ұтқырлық) өтуде.

Постдокторант Есболова А.Е. Валенсия политехникалық университетінде ғылыми тағылымдамадан өтті.
Ғылыми тағылымдаманың мақсаты аграрлық экономика және маркетинг саласындағы кәсіби және ғылыми-зерттеу құзыреттерін тереңдету, эконометрикалық талдаудың заманауи әдістері мен деректерді өңдеудің цифрлық құралдарын меңгеру, сондай-ақ агроазық-түлік жүйелері мен кооперативтік модельдердің жұмыс істеуіндегі озық еуропалық тәжірибені зерделеу болды.
Тағылымдама барысында ғылыми білім алмасуға, сондай-ақ алынған нәтижелерді Қазақстан Республикасының жағдайына бейімдеуге ерекше назар аударылды. Бұл аграрлық сектордың тиімділігін арттыруға және сүт саласының тұрақты дамуын қамтамасыз етуге бағытталған.

«Менеджмент және маркетинг» кафедрасының Профессоры, э.ғ.к. Дана Асқарбекқызы Куланова және кафедраның стейкхолдері Гульнара Абибуллаевна Шалгинбаева конференцияларға қатысу және қонақтық лекциялар өткізу үшін Өзбекстанның бірқатар қалаларында болды.
Жұмыс сапары бағдарламасы:
- Ташкент мемлекеттік экономика университетінде бакалавриат және магистранттарға дәріс оқу.
- Бұхара инженерлік-технологиялық университетінің профессорлық-оқытушылық құрамымен кездесу
- Науаи атындағы мемлекеттік университетінде өткен конференцияға қатысу
- Өзбекстан Республикасы Жиззах қаласындағы «Самбрань» университетінің конференциясына қатысу.

Халықаралық ынтымақтастық аясында Ташкент мемлекеттік экономикалық университетінің оқытушылары Менеджмент және Маркетинг білім беру бағдарламасы бойынша білім алушыларға көшпелі дәрістер өткізді.
Дәрістер барысында менеджмент пен маркетингтің дамуына қатысты өзекті мәселелер, сондай-ақ бұл салалардың Қазақстан мен Өзбекстандағы ерекшеліктері мен даму бағыттары талқыланды.
Іс-шара студенттердің кәсіби көзқарасын кеңейтіп, серіктес жоғары оқу орындары арасындағы академиялық байланысты нығайтуға ықпал етті.

Кафедрамыздың оқытушылары — Дана Аскарбековна мен Жамиля Шафхатовна Мәскеудегі РУДН университетінде өткен «XXI ғасырдағы әлемдік экономика: жаһандану және өңірлену» атты X Халықаралық студенттік ғылыми конференцияға қатысып келді.
Сонымен қатар, олар «Менеджмент» мамандығының студенттері үшін ашық дәрістер мен мастер-класстар өткізіп, ЕАЭО аясындағы халықаралық маркетинг пен ынтымақтастық бойынша құнды тәжірибелерімен бөлісті.