Мәдениетаралық коммуникация – қоғамдық оптимизмді нығайтудың маңызды факторы

: 05 Қараша 2026; Қаралды: 10

Мұхтар Әуезов атындағы Оңтүстік Қазақстан зерттеу университетінде «Мәдениетаралық коммуникация қоғамдық оптимизмді нығайтудың факторы ретінде» тақырыбында сараптамалық кездесу өтті.
Басқосудың негізгі мақсаты – мәдениетаралық қарым-қатынас мәдениетін қалыптастыру, қоғамдық оптимизмді нығайту, тілдік және этностық белгілері бойынша кемсітушіліктің алдын алу, сондай-ақ цифрлық кеңістіктегі қақтығыстарға жол бермеу мәселелерін талқылау.
Сонымен қатар сарапшылар өзара құрмет пен түсіністікті сақтау, ақпараттық арандатушылықтарды ажырата білу, қоғамдағы тұрақтылық пен келісімді нығайту, диалог пен адам құқықтарын құрметтеуге негізделген тиімді шешімдер қабылдау жөнінде өз ой-пікірлерімен бөлісті. Маңызды іс-шараны университеттің әлеуметтік және тәрбие жұмысы жөніндегі проректоры Ғани Әбзелбекұлы Бесбаев жүргізді.
Талқылауға жоба жетекшісі Наталья Павловна Калашникова, қоғам қайраткері Алишер Гапиржанович Сатвалдиев, этномәдени бірлестіктердің, Аналар кеңесінің, университет қауымдастығының және «Достық» студенттік клубының өкілдері қатысты. Сарапшылар қатарында:

Латипша Қаймаханұлы Асанов;
Гүлжан Дәулетбекқызы Сүгірбаева;
Нұрдәулет Ескелдіұлы Хангелді;
Гүлнар Әмірбайқызы Жанысбекова;
Роза Викторовна Пак;
Ақтолқын Әлиярбекқызы Жамантаева;
Шахзода Сарварқызы Айбек болды.

Жүздесу барысында көтерілген мәселелер қоғамдағы этносаралық татулықты, азаматтық бірлікті және өзара сенімді нығайтудың маңызын айқындады. Әсіресе, жастар арасында толеранттылықты, ашық диалог мәдениетін және ақпараттық сауаттылықты қалыптастырудың өзектілігі атап өтілді.
Бірлік – өзара құрметтен, келісім – түсіністіктен, ал қоғамдық оптимизм сенім мен ортақ жауапкершіліктен басталады.