Университеттің қоғаммен байланыс және мәдениет жөніндегі проректоры Ресейде өткен халықаралық конференцияға қатысты

: 26 Қараша 2025; Қаралды: 49

Патрис Лумумба атындағы Ресей халықтар достығы университетінде 2025 жылдың 19–23 қараша аралығында «В целях устойчивого развития цивилизации: сотрудничество, наука, образование, технологии. Путь стран СНГ к 17 ЦУР: комплексный подход» атты IV Халықаралық ғылыми конференция өтті. Конференцияға М.Әуезов атындағы Оңтүстік Қазақстан зерттеу университетінің Басқарма мүшесі, қоғаммен байланыс және мәдениет жөніндегі проректоры Бейсенбаев Садыбек Қалмаханұлы арнайы шақыртумен қатысты. Бұдан бөлек, ғылыми басқосуға Қытай, Мали, Конго, Нигерия, Эквадор, Неопол, Никарагуа, Тәжікстан секілді елдердің өкілдері қатысты.
ESG күн тәртібінде өнер, дизайн сән саласындағы мынадай өзекті тақырыптар бес секция бойынша талқыланды:

Әділетті әлем құру жолындағы серіктестік құралы ретіндегі сән, өнер және дизайн;
Сән, өнер және дизайн – қоғамдық және жеке өмірдің негізгі салаларын жетілдіру элементтері;
ТМД елдерінің мәдениеті – дизайн жобалары үшін шығармашылық бастау, мәдениеттер әралуандығын сақтау үшін ортақ жауапкершілікті сезінуге бастайтын жол;
Сән, дизайн және өнер әлеміндегі әлеуметтік жауапкершілік;
Өнер мен дизайн – бір-бірін жан-жақты әрі объективті бағалаудың кепілі.

Садыбек Бейсенбаев «Сән, дизайн және өнер — әділетті әлем құрудың құралдары ретінде» сессиясында модератор болып, алғы сөзінде Қазақстан мен Ресей арасында ғылым және жоғары білім саласындағы ынтымақтастық аясындағы қол жеткізілген жетістіктерді атап өтті. Сонымен қатар секцияда «Қазақ ұлттық киімдерін жобалау барысында экологиялық материалдарды пайдалану және көркемдік әрлеу тәсілдері» тақырыбында баяндама жасады.
Қорытынды кеште Ресей халықтар достығы университетінінің ректорының атынан С.Қалмаханұлының жоғары деңгейде жасаған баяндамасы үшін Алғыс хаты табысталды.