Жаһандық жоғары білім нарығын талдауға маманданған британдық Quacquarelli Symonds (QS) компаниясы жыл сайын жариялайтын QS World University Rankings-2025жаһандықуниверситеттердің рейтингісінің нәтижелерін жариялады.

М. Әуезов атындағы Оңтүстік Қазақстан университеті биылғы жылы әлемнің 1503 үздік жоғары оқу орындарының арасында 621 позициясын иеленді.

Іріктеуге әлемнің түкпір-түкпірінен 5663 ЖОО қатысты, оның ішінде үздік рейтингке 106 елден 1 503 университет кірді,  оның ішінде Қазақстаннан 21 ЖОО -да бар.

Жоғары оқу орнының тізімдегі орны тоғыз критерий негізінде анықталады:

• Академиялық ортадағы бедел және танылу,
• Жұмыс берушілер арасындағы бедел,
• Профессор-оқытушылар құрамы мен студенттер санының арақатынасы,
• Жоғары рейтингті ғылыми журналдарда жарияланымдары бар оқытушылар мен ғалымдардың үлесі,
• Халықаралық ынтымақтастық индексі – бір қызметкерге шаққандағы бес жылдық кезең ішінде Scopus индексациялаған нөлдік емес дәйексөздермен (өзіндік дәйексөздерді қоспағанда) шетелдік әріптестермен бірлесіп жасалған жарияланымдар саны,
• Түлектердің жұмысқа орналасу деңгейі және үздік бітірушілер саны,
• Тұрақты даму мақсаттары – ТДМ шеңберіндегі зерттеулер,
• Шетелдік студенттердің үлесі,
• Шетелдік оқытушылардың үлесі; 

Сілтеме:  https://www.topuniversities.com/world-university-rankings?tab=indicators