Жаңалықтар

Асқар Тоқпанов атындағы Жамбыл облыстық қазақ драма театрының гастрольдік іс-сапарымен Шымкент қалалық орыс драма театрында А.Бекбосынұлының «Домалақ ене» символикалық драмасы қойылды. М. Әуезов атындағы Оңтүстік Қазақстан университетінің жоғары оқу орнына дейінгі дайындық орталығының оқытушылары шетелден елге келіп білім алып жатқан тыңдаушыларды театрға ертіп барды. Тыңдаушыларымыз «Домалақ ене» символикалық драмасын көріп, ондағы Бәйдібек би, Әмір Темір секілді тарихи тұлғалардың жақсы сомдалған образдары арқылы ғасырлар қойнауына ой жүгіртіп, сәл де болса, тарихтан тағылым алғандай әсерлі кеш болғандығын әңгімеледі.