Медиа департаменті

Университеттің Медиа департаменті – жаңалықтың жүрегі

Біз университет өмірін бейнелейміз: фото, видео, тікелей эфирлер және контент!

Медиа департамент туралы

Медиа департамент – университеттің ақпараттық-шығармашылық орталығы.
Біз оқу ордасындағы барлық маңызды оқиғаларды фото мен видео форматта жариялаймыз, SMM және PR бағытында жұмыс істейміз.

Медиа қызметі орталығының басшысы

Керімқұлова Айгүл Керімбайқызы

Жұмыс орны: Бас ғимарат, 263 кабинет
Эл. пошта aigul-kerim@mail.ru

Мамандығы – журналист. Қазақстан Журналистер одағының мүшесі, Президент Қасым-Жомарт Тоқаевтың Алғыс хатымен және Қазақстан Журналистер Одағының «Құрмет» грамотасымен марапатталған. Қоғамдық-саяси басылым «Шымкент келбеті» газетінде тілші, жауапты хатшы, Бас редактордың орынбасары қызметтерін атқарған. ERNUR корпорациясында, Отырар телеарнасында журналист, газеттерде бас редактор болды.
2024 жылдың ақпан айынан бастап М.Әуезов атындағы Оңтүстік Қазақстан университетінде Медиа қызметі орталығында басшылық қызмет атқарып келеді.

М.Әуезов атындағы Оңтүстік Қазақстан зерттеу университеті Медиа қызметі орталығы

М.Әуезов атындағы Оңтүстік Қазақстан зерттеу университетінің имиджін жақсарту, ақпараттық саясатын жүргізу Қоғаммен байланыс және мәдениет проректорына қарасты Медиа қызметі орталығына жүктелген. 2019 жылдың қараша айында ашылған орталықтың бүгінде ауқымы кеңейіп, онда Медиа, Телестудия және радио, Фотостудия, PR-бөлімі және «Университет» газеті жұмыс істейді.

Міндеті:

Медиа қызметі орталығының креативті тобының ең маңызды міндеттерінің бірі – университет құрылымдарынан келіп түскен ақпараттар легін жинақтап, өңдеп БАҚ және әлеуметтік желілер арқылы тарату. Сонымен қатар:
- университеттің жағымды медиа бейнесін қалыптастыру;
- университеттің ақпараттық саясатын қалыптастыру;
- республикалық және өңірлік ресми бұқаралық ақпарат құралдарымен (БАҚ) өзара әрекеттесу;
- жалпы университет және онда өткізілетін іс-шаралар туралы ақпараттың бұқаралық ақпарат құралдарындағы қолжетімділігін қамтамасыз ету;
- мерзімді басылымдарды, блог саласын, әлеуметтік желілерді, виртуалды қауымдастықтарды, видеохостингті қамтитын университеттің БАҚ қызметін үйлестіру;
-университет қызметі туралы ақпараттық және жарнамалық материалдардың таратылуын қамтамасыз ету.
-пресс-конференциялар, брифингтер, медиа киттер, университеттің құрылымдық бөлімдері басшыларымен БАҚ-та сұхбаттар ұйымдастыру.

Креативті командамыз

Біздің мамандар – кәсіби операторлар, монтаждаушылар, дизайнерлер мен редакторлар.

Телестудия басшысы	Маханбетов Талғат Ермаханұлы
Қалтай Бекжан Алтайұлы	Жоғары білікті маман, инженер-технолог
Кучкаров Асылбек Адикулуғли	оператор
Тұрғынбеков Мақсат Дәулетұлы	оператор
Хусаинов Мейірман Үсенұлы	фотограф
Намиев Амангелді Эралыұлы	Жоғары білікті маман, аналитик
Усенов Шыңғыс Қобланұлы	жоғары білікті маман, инженер-бағдарламашы
Турдалиев Жандос Қалдыбайұлы	жоғары білікті маман, веб-дизайнер
Заббарова Неиля Ринатовна	жоғары білікті маман, дизайнер
Аязбаев Абай Тілеубайұлы	жоғары білікті маман, режиссер
Оразбаев Дәнекер Нұрмаханбетұлы	жоғары білікті маман, сценарист
Шерехан Сандуғаш Әшірбекқызы	жоғары білікті маман, мобилограф
Самат Данеля Саматқызы	жоғары білікті маман, аудармашы

Біздің жобалар

Телестудия өнімдері. Auezov TV FM, @JASTAR_LIVE арқылы университет қабырғасында өтетін іс-шаралар, халықаралық конференциялар мен форумдар, байқауларға Телестудия мамандары видиотүсірілім жасайды және тікелей трансляция жүргізеді. Бұдан бөлек, заманауи құрылғылармен жабдықталған Телестудияда студенттер «Журналист күнделігі», «Жастар алаңы», «Бірлік» (шет ел азаматтармен жұмыс жасайтын UNITY клубтың ақпараттандыру бағдарламасы, «Сыр-сұхбат» (Қазақстандағы танымал тұлғалар) Жастар радиосында түрлі тақырыпта сұхбаттар жүргізеді.