Жоғары мектеп туралы
Мекен-жайы: Шымкент қаласы,Тауке-хан даңғылы 5. М.Әуезов атындағы ОҚУ, 210 Д ғирамарты
|
|
Муталов Нуржигит Батырұлы |
|
|
Конысбеков Сагындык Муханович |
|
|
Калдыбаева Гульбостон Юсупжановна |
Қазақстан Республикасының ғылым және жоғары білім министрі Саясат Нурбекке Жоғары мектептің деканы Еркебаева С.У. факультет жұмыстарымен таныстыру барысында
«Тоқыма және тамақ инженериясы» жоғары мектебінде 60 астам профессор оқытушылар құрамы, яғни 1 ғылым докторы, 9 PhD доктор, 20 ғылым кандидаты мен доценттер және 30 магистрлер мен аға оқытушылар жұмыс істейді. Шетел ғалымдарын тарту бағдарламасы бойынша «Тоқыма және тамақ инженериясы» жоғары мектебімізге Малайзия Путра университетінің «Тамақ инженериясы және процестері» кафедрасының PhD профессоры Фарах Салин Бинти Таип, Белфаст корольдік университеті, Smart Nano NI жобасының қызметкері PhD Майк Харди, Харьков ақпараттық және есептеу технологиялары федералды зерттеу орталығының директор орынбасары, техника ғылымдарының докторы, профессор Потапов Владимир Алексеевич, Латвия жаратылыстану Университетінің профессоры Инга Ципровича, Харьков ақпараттық және есептеу технологиялары федералды зерттеу орталығының директор орынбасары, техника ғылымдарының докторы, профессор Евлаш В. Туркия елі, Измир қаласы, Эге университетінің профессоры Элиф Эсер Эке. Акдениз университеті (Турция) Рмадан Эрдем білімалушыларға дәрістер, семинар және мастер кластар өткізеді.
Қазақстан Республикасының ғылым және жоғары білім министрі Саясат Нурбек студенттермен бірге
«Тоқыма және тамақ инженериясы» жоғары мектебі еліміздегі және өңірлік ірі кәсіпорындармен тығыз қарым-қатынастық байланыста. Атап айтар болсақ, «БөртеМилка» ЖШС, «ФудМастер-Шымкент» ЖШС, «Каравай» ЖШС, «Балмұздақ» ЖШС, «Мадлен-KZ» ЖШС, «Рахат Шымкент» ЖШС, «Барыс 2007» ЖШС, «БалТекстиль» ЖШС, «Бал Декор» ЖШС, «Әлем БТ» ЖШС, «Special Gear Kazakhstan» ЖШС, «ALLIANCE» ЖШС, «Оңтүстік былғары» ЖШС «Холмурзаев» ЖК, «Ақтоты и К» ЖШС, ЖШС т.б. кәсіпорындар болып табылады. Жоғары мектеп бітіруші түлектері келесідей тоқыма және тамақ өнеркәсіптерінде жұмыс істейді: «Гаухар» ЖШС, «Рахат-Шымкент» ЖШС, «Шымкентмай» ЖШС, «Фудмастар» ЖШС, «Шымкентсүт» ЖШС, «НазарТекстиль» ЖШС, «Azalla Textile»ЖШС, «Azalla Сotton» ЖШС, «АГФ» ЖШС, «Ақ Алтын» ЖШС, «Шаби текс» ЖШС, «Дом моды» ЖШС, «Фиорентина» ЖШС, «Diyar Resto» ЖШС және т.б.
Білім беру бағдарламаларына сәйкес кәсіби практиканың негізгі түрлері:
-
оқу (таныстыру) практикасы;
-
I өндірістік практика;
-
II өндірістік практика;
-
дипломалды практика.
Оқу практикасы студенттерді болашақ кәсіби қызметімен, ұйымның құрылымы мен жұмыс бағыттарымен, еңбек қауіпсіздігі талаптарымен таныстыруға бағытталған.
Өндірістік практика барысында студенттер мамандығына сәйкес кәсіби міндеттерді орындауға қатысып, өндірістік технологиялар мен жұмыс үдерістерін меңгереді және практикалық тәжірибе жинақтайды.
Дипломалды практика оқу үдерісінің қорытынды кезеңі болып табылады. Оның барысында студенттер дипломдық жұмысына қажетті материалдарды жинақтап, кәсіпорынның немесе ұйымның қызметін зерттеп, алған білімдерін нақты кәсіби ортада қолданады.
Практиканың негізгі мақсаты – студенттердің кәсіби құзыреттерін дамыту, теориялық білімін тәжірибемен ұштастыру, дербес шешім қабылдау, ұжымда жұмыс істеу және кәсіби коммуникация дағдыларын қалыптастыру.
Практика базалары
«Тоқыма және тамақ инженериясы» жоғары мектебінің білім беру бағдарламалары бойынша студенттер тамақ, тоқыма және жеңіл өнеркәсіп салаларындағы кәсіпорындар мен ұйымдарда практикадан өтеді.
Тамақ өнеркәсібі кәсіпорындары:
«Ладушки», «Мадлен», «Каравай», «Фудмастер», «Балмұздақ», «Бөрте милка», «Сайрам нан», «Ақтоты и К», «Барыс 2007», «Қант», «Рахат Шымкент» ЖШС.
Тоқыма және жеңіл өнеркәсіп кәсіпорындары:
«Бал Текстиль», «Назар-Текстиль», «Әлем БТ», «Azala Cotton», «Шымкент кашемир», «Ақ Алтын», «Оңтүстік былғары», «Туркестан Мақтасы», ТПК «ALLIANCE», «ARSHAT Group», «Гаухар тігін фабрикасы», «Janna Eltanova», «Назар-Текстиль» кілемдік-текстиль фабрикасы, «JNRAY Group», «Шабитекс» ЖШС.
Практика барысында студенттер нақты өндірістік ортада тәжірибе жинақтап, заманауи технологиялар мен кәсіби қызметтің ерекшеліктерін меңгереді. Бұл олардың кәсіби біліктілігін арттырып, болашақ маман ретінде қалыптасуына және еңбек нарығына бейімделуіне мүмкіндік береді.
Студенттік тәжірибе
Кездесулердің негізгі мақсаты – талапкерлерге жоғары білім алу мүмкіндіктерін таныстыру, мамандық таңдауға бағыт-бағдар беру және жоғары мектепте жүзеге асырылатын білім беру бағдарламалары туралы ақпарат ұсыну.
Кәсіби бағдар беру жұмыстары жоғары мектептің төрт бітіруші кафедрасы тарапынан ұйымдастырылды.
«Тоқыма материалдары технологиясы және жобалануы» кафедрасы Шұбарсу ауылындағы «Бақ Төре», «Көк-Төбе», «Зейін ашу» мектептерінде, КММ «Зерде» жалпы орта білім беретін мектебінде, Д.И. Менделеев атындағы №15 мектеп-лицейінде, Т. Тәжібаев атындағы №47 мектеп-гимназиясында, Айбек атындағы №14 және Терешкова атындағы №31 жалпы орта білім беретін мектептерде, сондай-ақ бірқатар жеке білім беру ұйымдары мен колледждерде кездесулер өткізді.
«Азық-түлік өнімдерінің технологиясы және қауіпсіздігі» кафедрасы Абдраш Назарбеков атындағы №87 жалпы орта білім беретін мектебі, «Арман» гимназиясы, М. Әуезов атындағы университет колледжі, Әлия Молдағұлова, Бейсенбай Кенжебаев атындағы мектептер, «Ақбастау», №67, Бәйдібек Төлепбаев атындағы, «Төрткүл», Д. Қонаев атындағы және «Бөген» орта мектептерінде кәсіби бағдар беру жұмыстарын жүргізді.
«Тамақ инженериясы» кафедрасы №73 Ақтас жалпы орта білім беретін мектебінде, Бадам ауданындағы Сәкен Сейфуллин атындағы, Ақбұлақ ауданындағы «Ақбұлақ», Мамыр ауданындағы «Ұлағат» және Қараспан ауданындағы Бейсен Оңтаев атындағы жалпы білім беретін мектептерде кездесулер ұйымдастырды.
«Жеңіл өнеркәсіп бұйымдарының технологиясы және конструкциялануы» кафедрасы Қайнар, Ұялыжар, Теспе, Мәдениет, Ықыластемір елді мекендеріндегі мектептерде, сондай-ақ Шымкент қаласындағы Абдраш Назарбеков атындағы №87 мектепте, №115 негізгі орта мектепте, №46 мектеп-лицейде, №102 жалпы орта білім беретін мектепте, Техникалық лицейде және Политехникалық колледжде кәсіби бағдар беру кездесулерін өткізді.
Кездесулер барысында оқушыларға жоғары мектептің білім беру бағдарламалары, мамандықтардың ерекшеліктері, оқу үдерісі және болашақ кәсіби даму мүмкіндіктері таныстырылды. Талапкерлер өздерін қызықтырған сұрақтарына жауап алып, мамандық таңдауға қатысты қажетті ақпараттармен танысты.
«Тоқыма және тамақ инженериясы» жоғары мектебі талапкерлерге кәсіби бағдар беру және мамандық таңдауға қолдау көрсету бағытындағы жұмыстарды алдағы уақытта да жүйелі түрде жалғастырады.
Іс-шара «Тоқыма және тамақ инженериясы» жоғары мектебінің бастамасымен өткізіліп, талапкерлерге университеттің білім беру бағдарламалары, заманауи материалдық-техникалық базасы, жоғары білікті профессор-оқытушылар құрамы, ғылыми-зерттеу мүмкіндіктері мен халықаралық серіктестік байланыстары туралы жан-жақты ақпарат ұсынылды.
Кездесу барысында оқушылар оқу үдерісінің ерекшеліктерімен танысып, академиялық ұтқырлық бағдарламалары, өндірістік тәжірибеден өту мүмкіндіктері, сондай-ақ студенттердің жан-жақты дамуына жасалған жағдайлар туралы толық мәлімет алды. Сонымен қатар, мамандықты дұрыс таңдаудың маңыздылығы, еңбек нарығындағы сұранысқа ие бағыттар және болашақта бәсекеге қабілетті маман болудың негізгі талаптары жөнінде түсіндіру жұмыстары жүргізілді.
Іс-шара интерактивті форматта өтіп, мектеп түлектері өздерін қызықтырған сұрақтарын қойып, нақты әрі пайдалы жауаптар алды. Бұл кездесу талапкерлердің кәсіби бағдарын айқындауға, жоғары білім алуға деген қызығушылығын арттыруға және саналы түрде мамандық таңдауына оң ықпал етті.
Іс-шара Бас ғимараттың АКТ залында ұйымдастырылып, Кәсіптік бағдар беру орталығымен бірлесе отырып «Тоқыма және тамақ инженериясы» мен «Химиялық инженерия және биотехнология» жоғары мектептері өткізді.
Кездесу барысында жоғары мектеп басшылары мен мамандар мазмұнды ақпараттарымен бөлісті:
- «Тоқыма және тамақ инженериясы» жоғары мектептебінің деканы - Еркебаева Сапаркуль Умиртаевна;
- «Химиялық инженерия және биотехнология» жоғары мектебінің деканы міндетін уақытша атқарушы - Отарбаев Нұрлыбек Шырынбекович;
- Кәсіптік бағдар беру орталығының директоры - Заурбеков Талғат Талапбекұлы;
- Әскери кафедра өкілі, запастағы майор - Байгулов Бауржан Асанбекович;
- «Тоқыма материалдарының технологиясы және жобалануы» кафедра меңгерушісі - Махмудова Гулжамал Иманкуловна;
- «Азық-түлік өнімдерінің технологисы және қауіпсіздігі» кафедрасы ЖТ-24-9к2 тобының студенті Жумабай Ұлбөбек;
- «Биотехнология» кафедрасы ХТ-23-5а тобының студенті Абдазимов Жасұлан.
