Жаңалықтар

Азық-түлік қорын тиімді пайдалану және тағам қалдықтарының көлемін қысқарту – қазіргі қоғам алдындағы өзекті міндеттердің бірі. Осы бағыттағы тәрбиелік жұмыстар аясында Ақпараттық-коммуникациялық технологиялар кафедрасының оқытушысы Тастанбекова Баян Омирзаховнаның ұйымдастыруымен СТ-24-9к тобының білім алушылары мен кафедра оқытушыларының қатысуымен «Азық-түлік қауіпсіздігі» тақырыбында кураторлық сағат өткізілді.Шараның негізгі мақсаты – білім алушылардың тағамға деген жауапкершілік көзқарасын қалыптастыру, дұрыс тамақтану мәдениетін дәріптеу және азық-түлік қауіпсіздігі мәселелері жөнінде түсіндіру жұмыстарын жүргізу болды.Кездесу барысында әлем бойынша өндірілетін азық-түліктің едәуір бөлігі тұтынусыз қалып, қалдыққа айналатыны айтылды. Сонымен қатар мұндай жағдайдың қоршаған ортаға, табиғи ресурстарға және экологиялық тепе-теңдікке тигізетін кері әсерлері талқыланды. Білім алушылар сапалы әрі құнарлы тағамның адамның денсаулығы мен ой-өрісінің дамуына тікелей ықпал ететінін атап өтіп, мәселені шешуге қатысты бірқатар ұсыныстарын жеткізді.Ұсынылған бастамалар қатарында:тағамды ұтымды пайдалану мақсатында университет асханасында және тұрмыста қажетті мөлшерде ғана тұтыну дағдысын қалыптастыру; әлеуметтік қолдауды күшейту үшін аз қамтылған отбасылар мен көмекке мұқтаж азаматтарға арналған қайырымдылық азық-түлік акцияларын ұйымдастыру;экологиялық мәдениетті дамыту мақсатында оқу орны аумағында шағын бақтар мен жылыжайлар ашу жобаларын жүзеге асыру ұсынылды.Тәрбиелік іс-шара барысында жастардың тағамға ұқыпты қарауы мен үнемшілдік қағидаларын ұстануы қоғам игілігіне оң әсер ететіні ерекше айтылды.Кездесуде сөз сөйлеген оқытушы Тастанбекова Б.О.: «Тағамды саналы пайдалану әр адамның жеке жауапкершілігінен басталады. Білім беру ортасында дұрыс тамақтану қағидаларын насихаттау арқылы біз денсаулығы мықты, қоршаған ортаға жанашыр әрі жауапты жастарды тәрбиелей аламыз», – деп атап өтті.Іс-шара қорытындысында қатысушылар азық-түлік ысырабын азайтуға бағытталған үндеу қабылдап, университет көлемінде тағамды үнемді пайдалану мәдениетін насихаттайтын ақпараттық челлендж ұйымдастыру жөнінде келісімге келді.