Жаңалықтар

Ветеринария ғылымдарының магистрі, «М.Әуезов атындағы Оңтүстік Қазақстан университеті» КЕАҚ Аграрлық факультетінің «Ветеринарлық медицина» кафедрасының оқытушысы Ақнұр Шамғалиева «Болашақ» халықаралық бағдарламасының беделді стипендиясының иегері атанды. Конкурстық іріктеу қорытындысы бойынша Ақнұр Байдәулетқызы «Агроөнеркәсіптік кешенді тұрақты дамыту» бағыты бойынша «Пәнаралық ғылыми зерттеулер мен әзірлемелер» мамандығы бойынша Бремендегі (Германия) конструктор университетте бір жылдық ғылыми тағылымдамадан өту құқығын жеңіп алды.

«Болашақ» бағдарламасы бойынша жеңімпаздар - конкурстық іріктеуден табысты өтіп, магистратурада, докторантурада оқуға немесе әлемнің жетекші университеттерінде ғылыми тағылымдамадан өтуге стипендия алған қазақстандықтар. 2025 жылғы тамыздағы жағдай бойынша 217 қазақстандық стипендия иегері атанды, оның ішінде 167 магистрант, 13 докторант және 37 адам кәсіптік тағылымдамаға, сондай-ақ ғылыми тағылымдамаға стипендия алған 68 адам.