Жаңалықтар

Ауқымды, жарқын әрі нәтижелі: Аграрлық факультет делегациясы Дүниежүзілік мақта күніне орайластырылған «AQ DALA-2026» мақта өсірушілер фестиваліне қатысып қайтты.

Декан Г.Р. Тастанбекова бастаған факультет басшылығы, кафедра меңгерушілері Ә.К. Жылқыбаев пен Г.Д. Кенжалиева, жетекші оқытушылар және факультетіміздің 300 студенті осы маусымның басты аграрлық оқиғасының бел ортасынан табылды.

«AQ DALA-2026» фестивалі бір алаңда нарықтың негізгі қатысушыларын, ғалымдар мен практиктерді біріктірді. Біздің оқытушылар үшін бұл саланың даму бағыттарын және ғылыми әзірлемелерді экономиканың нақты секторына енгізу жолдарын талқылауға тамаша мүмкіндік болды.

Ал студенттеріміз үшін бұл нағыз мамандыққа баулу болды деуге болады. Болашақ 300 маман заманауи агробизнестің тыныс-тіршілігін өз көздерімен көріп, мақта өсіру саласындағы инновациялармен танысты және индустрия көшбасшыларымен тілдесті.

Аграрлық факультеттің саланың ең маңызды оқиғаларының орталығында жүргенін мақтан тұтамыз. Алда жаңа міндеттер, ғылыми жаңалықтар мен білім өнімін жинау науқаны күтіп тұр.