Жаңалықтар

2 шілде күні Оңтүстік Қазақстан зерттеу университеті мәжілістер залында «Механика және мұнайгаз ісі» факультетін 2025 жылы бітірген түлектеріне диплом тасыру рәсімі өтті. Аталмыш факультет бүгінгі таңда бакалавриаттың 11 білім беру бағдарламалары бойынша экономикамыздың мұнай және газ, кәсіпорындардың технологиялық машиналары мен жабдықтары, машинажасау, стандарттау және сертификаттау салалары бойынша жоғары білікті мамандарды даярлайды.

Биылғы оқу жылында факультетті 229 білім алушы аяқтап, өз салалары бойынша жұмыс жасауға аттануда.

Іс-шараға университет әкімшілігі бітіруші түлектер, факультет ұжымы, жұмыс берушілер және ата-аналар шақырылды.

Іс-шараны Басқарма мүшесі, академиялық мәселелер жөніндегі проректор Е.Иманғалиев бітіруші түлектерді құттықтау сөзімен бастап, факультет деканы Р.Рысдәулетов білім алу, қоғамдық жұмыстарда белсенділік танытқан түлекетер ата-аналарына факультет деканы атынан «Алғыс хатпен» марапаттаумен жалғасты. Кафедра меңгерушілері, жұмыс берушілер, ұстаздар бітіруші түлектерге алдағы жұмыстарында табыстар тілеп, дипломдарын табыстады.