Жаңалықтар

Сапалы тамақтануды қамтамасыз ету және азық-түлік ысырабын азайту – тұрақты дамудың ең маңызды жаһандық мақсаттарының бірі. Осы тақырып аясында, Ақпараттық коммуникациялық технологиялар кафедрасының аға оқытушысы Тұрғанбекова М.М.  АП25-6к1 тобы студенттері және кафедра оқытушыларының қатысуымен «Аштықты жою және тұрақты ауыл шаруашылығы» тақырыбында кезекті кураторлық сағат өтті. Іс-шараның басты мақсаты — жастар арасында ас-суды қадірлеу әдетін қалыптастыру, азық-түлік қауіпсіздігі мен дұрыс тамақтану принциптерін насихаттау болды.Жиын барысында әлемде өндірілетін тағамның үштен бірі қоқысқа тасталатыны және бұл үрдістің экологияға, соның ішінде топырақ пен су ресурстарына тигізетін зардаптары кеңінен талқыланды. Студенттер сапалы тағамның адам денсаулығы мен зияткерлік дамуының негізі екенін айта келе, аталған мәселені шешуге бағытталған өз ұсыныстарын ортаға салды:

• Ысырапты азайту: Университет асханасы мен үйде тағамды тек қажетті мөлшерде ғана тұтыну мәдениетін енгізу;
• Әлеуметтік көмек: Мұқтаж жандар мен отбасыларға қолдау көрсету мақсатында арнайы азық-түлік банкі акцияларын ұйымдастыру;
• Эко-бастамалар: Оқу орны аумағында шағын жасыл желектер немесе жылыжайлар құру идеяларын қолдау.

Кураторлық сағат барысында студенттердің ас-суды қадірлеу және үнемшілдік әдетін қалыптастыру арқылы қоғамға нақты пайда әкеле алатыны ерекше атап өтілді.Кафедра аға оқытушысы Тұрғанбекова М.М.: «Азық-түлікті саналы түрде тұтыну — әрбір студенттің күнделікті өмірдегі жауапкершілігінен басталады. Университет қабырғасында дұрыс және таза тамақтану принциптерін насихаттау арқылы біз салауатты әрі үнемшіл жастар қауымдастығын тәрбиелейміз».Іс-шара соңында қатысушылар талқыланған мәселелер бойынша арнайы үндеу дайындап, университет ішінде азық-түлікті ысырап қылмау туралы ақпараттық челлендж бастауға уағдаласты.