Жаңалықтар

4 ақпан күні М.Әуезов атындағы Оңтүстік Қазақстан университетінде ««Жүректен жүрекке!» Қайырымдылыққа үлес қосайық» атты қайырымдылық жәрмеңкесі өтті. Іс-шара университеттің «Техникалық мамандықтар үшін практикалық орыс тілі» кафедрасының доценті Алтынбекова Гүлжан Күлжабайқызының ұйымдастыруымен және ИП-25-7к1 тобының студенті Серік Дариғаның атсалысуымен жүзеге асырылды.

Жәрмеңке университеттің «Г» ғимаратында ұйымдастырылып, келушілерге қолдан жасалған бұйымдар, жеміс-жидек тәттілері, сусындар мен шырындар ұсынылды. Жиналған қаражат Шымкент қаласының Жұмыспен қамту және әлеуметтік қорғау басқармасына қарасты №2 арнаулы әлеуметтік қызметтер көрсету орталығына қажетті тұрмыстық заттарды сатып алуға жұмсалды.