Жаңалықтар

2025 жылғы 3 желтоқсанда Аграрлық факультеттің «Ветеринарлық медицина» кафедрасының ғалымдары «Орта Азиядағы ветеринария қызметін дамытудағы цифрландыру және жасанды интеллект алғы шарттары» тақырыбында халықаралық онлайн-форум өткізді. Форум Қазақстан, Қарақалпақстан, Қырғызстан және Өзбекстан ғалымдарын біріктірді.

Іс-шараны ғылым және инновациялар жөніндегі деканның орынбасары, PhD С.К.Шеримова ашып, форумның мақсаты жануарлардың денсаулығын, азық-түлік қауіпсіздігін қамтамасыз ету және халықты адамдар мен жануарларға ортақ аурулардан қорғау үшін өңір елдерінің ветеринарлық практикасына сандық технологиялар мен жасанды интеллект интеграциясының қарқынын жеделдету болып табылатынын атап өтті.

Форумға қонақ ретінде оффлайн режимінде Самарқанд мемлекеттік ветеринарлық медицина, мал шаруашылығы және биотехнология университетінің ғалымдары қатысты. Микробиология, вирусология және иммунология кафедрасының меңгерушісі, доцент Шапулатова Зумрат Жахонгировна «Өзбекстан Республикасының мал шаруашылығы шаруашылықтарында бұзаулардың вирустық-бактериялық инфекцияларының таралуы, диагностикасы және спецификалық профилактикасы» атты баяндама жасады.