Жаңалықтар

2025 жылғы 18-20 қыркүйек аралығында Шихеза университетінде (Шыңжаң-Ұйғыр автономиясы, Қытай) мақта өсіру және оны қайта өңдеу технологиясы бойынша бірінші халықаралық симпозиум өткізілді. Қазақстандық делегацияның қатарында Аграрлық факультеттің «Өсімдік және мал шаруашылығы» кафедрасының доценті Әбдірайымов Жеңісбек «Оңтүстік Қазақстандағы мақтаның жаңа сорттары» тақырыбында баяндама жасады.

Симпозиумның негізгі мақсаттары Азия өңірінде мақта шаруашылығының ортақ саясатын әзірлеу, технологиялар алмасу және агротехнологияларға, соның ішінде смарт-технологияларға, AI-ға бірыңғай тәсілдерді қалыптастыру және мамандар даярлау болды.