Жаңалықтар

Аграрлық факультеттің профессорлық-оқытушылық құрамы Шымкент қаласы мен Сайрам ауданының мектебінің түлектеріне арналған «Соңғы қоңырау» мерекелік іс-шараға қатысып, кәсіби бағдарлау жұмыстарын жүргізді. «Өсімдік және мал шаруашылығы» кафедрасының ұжымы жалпы білім беретін мектептерде, лицейлерде, гимназияларда болды, атап айтқанда: №66; №72; №150; Сабыр Рахимов атындағы №53; Сансызбай Бекбосынов атындағы №70; Саттар Ерубаев атындағы №24 ІТ мектеп-лицейі; В.Терешкова атындағы №93 мектеп-лицейі; Maximum school ЖШС; Техникалық лицей.

«Ветеринарлық медицина» кафедрасының ПОҚ №79 және №135 жалпы орта мектептердегі; Д.А. Қонаев атындағы жалпы орта мектебі және №20 С.Сейфуллин атындағы мектеп-гимназиясында.

«Су ресурстары, жерді пайдалану және агротехника» кафедрасының ПОҚ №80 ІТ мектеп-лицейінде; №88; №108; №121 «Текесу» және «Мадейра Мерей» жалпы орта білім беретін мектептерінде жұмыс атқарды.

Түлектерге ересек өмір мәселелерін оңай шешуді, болашаққа дұрыс жол таңдауды, өз мақсаттары мен тілектері үшін белгілі бір айқындылықты, оларға жету үшін табанды күш-жігер мен үлкен мүмкіндіктер тілейміз.