Жаңалықтар
90 жылдық мерейтойға қатысу
- Қаралды: 118
2025 жылдың 4 қаңтарында Аграрлық факультетінің деканы Гүлнәр Тастанбекова өсімдік шаруашылығы саласындағы құрметті ғалым-ұстаз, ауыл шаруашылығы ғылымдарының докторы, Ташкент мемлекеттік аграрлық университетінің профессоры, «Турон» ғылыми академиясының академигі Халима Атабаеваның 90 жылдығына арналған мерекелік іс-шараға қатысты.
Гүлнар Рахымбердіқызы Халима Назарқызын М.Әуезов атындағы Оңтүстік Қазақстан ғылыми-зерттеу университетінің басқарма төрағасы-ректорының міндетін атқарушы Ғани Бесбаевтың атынан құттықтап, сыйлықтар табыс етті.
«Біздің университеттерімізді көп жылдық ынтымақтастық байланыстырады. Тәжірибелерімізбен алмасып, педагогикалық және ғылыми қызығушылықтар саласында дамып келеміз», - деді Гүлнәр Тастанбекова. – Мысалы, ғалымдарымыздың халықаралық конференцияларға қатысуы, лекциялар оқуы және академиялық ұтқырлық жақсы дәстүрге айналды».
