Жаңалықтар

«Болашаққа бастар жол – мамандықты дұрыс таңдаудан басталады» ұстанымын негізге алған «Стандарттау және сертификаттау» кафедрасының оқытушылары Кенжеханова М.Б., Жолдасбекова Г.Ш., Қайсарова А.А., Үсенова Ж.Н. №45 мектеп-гимназиясының бітіруші түлектерімен кәсіби бағдар беру кездесуін өткізді. Кездесу барысында талапкерлерге 6B07510 – «Стандарттау және сертификаттау» (салалары бойынша) және 6B07513 – «Метрология» білім беру бағдарламалары таныстырылып, мамандықтардың ерекшеліктері мен артықшылықтары жөнінде жан-жақты ақпарат берілді. Сонымен қатар, аталған мамандықтардың бүгінгі таңда еңбек нарығында жоғары сұранысқа ие екендігі, болашағы зор бағыттардың бірі саналатыны және кәсіби даму мүмкіндіктері кең екендігі атап өтілді.