Жаңалықтар

2025 жылдың 24-25 сәуірде Қазақстан Республикасы жоғары оқу орындары      (ЖОО) арасында В064-Механика және металлөндеу білім беру бағдарламасының тобының 6В07120-Машанажасау білім беру бағдарламасы бойынша оқитын білім алушылар арасында М.Әуезов атындағы Оңтүстік Қазақстан зерттеу университеті «Механика және мұнайгаз ісі» факультетінің «Механика және машинажасау» кафедрасы негізінде жыл сайынғы ХVII Республикалық пәндік олимпиадасының («Машина жасау өндірісінің технологиялық процестері» және «Құрастыру негіздері және машина бөлшектері» пәндерінен) ІI-ші кезеңі (университет аралық) өтті.

Республикалық студенттік олимпиадаға келесі жоғары оқу орындарының командалар қатысты: «Қ.Сатпаев атындағы Қазақ Ұлттық зерттеу техникалық университеті» КеАҚ, Алматы қ, «Торайғыров университеті» КеАҚ, Павлодар қ., «Қазақ Ұлттық аграрлық зерттеу университеті» КеАҚ Алматы қ, «Ш.Уалиханов атындағы Көкшетау университеті» КеАҚ, Көкшетау қ., «Шәкәрім университеті» КеАҚ, Семей қ., «М.Әуезов атындағы Оңтүстік Қазақстан зерттеу университеті» КеАҚ Шымкент қ.

Олимпиада қорытындысы бойынша 6В07120 – «Машинажасау» білім беру бағдарламасы студенттер арасында жоғары нәтиже көрсеткені үшін университетіміздің ММГ-22-2к тобы студенті Мұқанбетғали Абай Мырзағалиұлы жеңіске жетіп, І дәрежелі дипломмен марапатталды. Олимпиадағы қатысушы студенттеріміз Мұқанбетғали Абай Мырзағалиұлына, Аманкелдиев  Әліби Маратұлына, Ғани Асылжан Ерболатұлына М.Әуезов атындағы ОҚЗУ Басқарма төрағасы – Ректор Д.Ахмед-Заки Алғыс хаты берілді. Жеңіс құтты болсын!